Сузактагы окуучунун өлүмү: Билим берүү министрлиги билдирүү таратты

Билим берүү жана илим министрлиги Сузакта 15 жаштагы окуучу сабалып каза болгону боюнча билдирүү таратты.

Мекеме билдиргендей, 1-мартта Жоомарт Бөкөнбаев атындагы окуу-тарбия комплексинин окуучулары ортосунда сабак бүткөндөн кийин болгон окуя боюнча учурда Сузак РИИБи тарабынан тергөө иштери жүргүзүлүп жатат.

"Министрлик тарабынан Сузак райондук билим берүү бөлүмүнө мектептерде ата-энелер менен биргеликте тарбия иштерин жакшыртууну, кылмыштуулукту алдын алуу боюнча иштерди күчөтүү тапшырмасы берилди", - деп айтылат маалыматта.

Буга чейин Сузакта 9-класстын окуучусу 10-класстын окуучуларынын ур-токмогунан оор жаракат алып, каза болгондугу маалымдалган.

Автор: Айжанар Рыспек кызы
Фото: Интернеттен алынды