Бишкектен Сеулга туруктуу аба каттамы ачылат

Бишкектен Сеулга туруктуу аба каттамы ачылышы күтүлүүдө. Бул тууралуу бүгүн, 3-апрелде "Манас" эл аралык аэропортунун басма сөз кызматынан билдирди.

Маалыматка ылайык, Түштүк Кореянын "T'way Air Co., Ltd." авиакомпаниясы июнь айында Сеул – Бишкек – Сеул багыты боюнча түз каттамдарды ачууну пландап жатат.

"Жаңы багыт боюнча биринчи каттамдын болжолдуу датасы 11-июнга белгиленген. Сеул шаарына авиакаттамдар аптасына бир жолу аткарылары күтүлүүдө", - деп айтылат маалыматта.

Белгилей кетсек, бул саамалык ишке ашса "Манас" эл аралык аэропортунан Түштүк Кореянын борбор шаарына туруктуу каттамдар биринчи жолу аткарылмакчы.

Автор: Бек Оморбеков
Фото: Интернеттен алынды