Бишкекте Азамат Ногойбаевдин отставкасын талап кылган акция өттү. Ал кечирим сурады

Бүгүн, 3-апрелде Бишкек шаардык ички иштер башкы башкармалыгынын алдында шаардык милициянын башчысы Азамат Ногойбаевдин кызматтан кетишин талап кылган нааразычылык акциясы өттү.

Азамат Ногойбаев 31-мартта Фейсбукта түз эфирде суроолорго жооп берип жатып, шаарда өспүрүм кыздар зордукталган учурлар көп катталып жатканын, алардын арасында жыныстык катнашка өз эрки менен баргандар бар экенин билдирген.

Анын билдирүүсү коомчулукта кызуу талкуу жаратып, анын дарегине сын-дооматтар айтылган. Ички иштер министрлигинин Ички иликтөө кызматы Ногойбаевдин айткандарына байланыштуу кызматтык териштирүү баштаганын билдирген.

Азамат Ногойбаев акциянын алкагында журналисттерге маалымат жыйын уюштуруп, буга чейинки билдирүүсү боюнча комментарий берди.

"Мен өз билдирүүмдө жашы жете элек өспүрүмдөрдү күнөөлөгүм келген эмес. Болгону өспүрүмдөр үйүнөн чыгып кетип, сексуалдык зомбулукка кабылган фактылар бар экенин жана эч ким жазасыз калбай турганын айткам. Мен "өздөрү" деген сөздү ката айтып алдым. Туура эмес сүйлөсөм кечирим сурайм", - деди ал.

Автор: Бек Оморбеков
Фото: Интернеттен алынды

14:19 03-04-2023

Жазылуу

РУБРИКАДАГЫ СОҢКУ КАБАРЛАР

11:56 2025-06-30 | Кылмыштар, кырсыктар

Бишкектин вице-мэри Талайбек Байгазиев опузалап алган акчасын кайтаруу учурунда кармалды 141 0

11:24 2025-06-30 | Түркүн дүйнө

Францияда 1-июлдан тарта коомдук жайларда тамеки чегүүгө чектөө кирет 110 0

11:22 2025-06-30 | Түркүн дүйнө

Измирдеги Аднан Мендерес аэропорту кайрадан учууларга ачылды 140 0

11:17 2025-06-30 | Саясат

"Ойногонуңарды көрбөйүн..." Ташиев эмгек өргүүсүнө чыкчу жетекчилерге кайрылды (видео) 624 0

11:13 2025-06-30 | Коом жана турмуш

Өлкөдө айрым багыттар боюнча сырттан окууга убактылуу чектөө киргизилди 280 0

11:01 2025-06-30 | Түркүн дүйнө

Иранда Израил менен согушта каза болгон аскер жетекчилери жана ядролук илимпоздор массалык түрдө жерге берилди 568 0

Архив

Комментарийлер (1)

Erma78

2023-04-03 15:06:00

Кыздарга каршы басмырлоону, зомбулукту ар кандай жол менен актоо бул Афганистан, африка, араб өлкөлөрүндө кеңири жайылган. Анткени бул жакты кыздардын эркин жашоосун кескин түрдө кысып салышкан. Мындай көрүнүшкө бизде жол берилбеш керек. Кээ бир молдолор, аалымдар соц. тармактар аркылуу атайлып кыздардын эркин жашоо шартын ар кандай сыпаттап, кыздар жөнүндө тескери ой пикир жаратып жатышат. Буга коомчулук тыйуү салуусу керек.

Комментарий калтыруу үчүн өз ысымыңыз менен кириңиз же каттоодон өтүңүз.