"Манас" аэропортуна бара жаткан жолдо кырсыкка кабылган 19 окуучунун абалы айтылды

"Манас" аэропортунун трассасында катталган жол кырсыктан жабыркаган 19 бала №3 Балдар ооруканасына түштү. Бул тууралуу аталган оорукананын башкы дарыгери Акылбек Маманов билдирди.

Айтымында, 4 бала жандандыруу бөлүмүнө жаткырылган. Алардын абалы туруктуу оор деп бааланууда.

"Биздин ооруканага жалпы 19 бала келип түштү. Алардын ичинен 14 бала нейрохирургия бөлүмүнө, 1 кыз травматология бөлүмүнө, 4 бала жандандыруу бөлүмүнө жаткырылды. Баарына өз убагында жардам көрсөтүлдү" деди башкы дарыгер.

Буга чейин "Манас" аэропортуна бара жаткан жолдогу үрөй учурган кырсыктын чоо-жайы белгилүү болгон.

Автор: Айжанар Рыспек кызы