Жалпы республикалык тестирлөө качан өтөрү айтылды

Өлкөдө Жалпы республикалык тестирлөө 20-майда өтөт. Бул тууралуу Билим берүү жана илим министрлиги кабарлады.

Маалым болгондой, каттоого жетишпей калган абитуриенттер үчүн 19-22-май жана 22-июнь күндөрү тест борборлорунда кошумча каттоо жүргүзүлөт.

ЖРТ төмөндөгүдөй график менен өткөрүлөт:

I этап - 20-21-майда (19-май – тест борборлорун даярдоо күнү);

II этап - 23-24-майда (22-май – тест борборлорун даярдоо күнү);

III этап - 23-24-июнда - Жүйөлүү себептер менен тест тапшырбай калган абитуриенттер үчүн мөөнөтүнөн кийинкиге калтырылган тестирлөө (22-июнь – тест борборлорун даярдоо күнү).

Автор: Айжанар Рыспек кызы
Фото: Айпери Бакталбек кызы