Бакыт Төрөбаев айыл чарба министрлигинин эмгек жамаатына тааныштырылды

Министрлер кабинетинин төрагасы Акылбек Жапаров Министрлер кабинетинин төрагасынын орун басары – Суу ресурстары, айыл чарба жана кайра иштетүү өнөр жай министринин милдеттерин аткаруучу болуп дайындалган Бакыт Төрөбаевди эмгек жамаатка тааныштырды. Бул тууралуу аталган министрликтен билдиришти.

Маалым болгондой, Акылбек Жапаров айыл чарба тармагында жүргүзүлүп жаткан реформалардын, кайра иштетүү өнөр жайын өнүктүрүүнүн, азык-түлүк коопсуздугун камсыз кылуунун, Кытайдын ата мекендик айыл чарба продукцияларын экспорттоону өнүктүрүүнүн, өлкөнүн суу ресурстарын сарамжалдуу жана эффективдүү пайдаланууну камсыздоонун маанилүүлүгүн белгиледи.

"Төрагасы мурдагы айыл чарба министри Аскарбек Жаныбековго министрликте аткарган иштери үчүн ыраазычылык билдирип, Министрлер Кабинетинин Төрагасынын орун басары – Суу ресурстары, айыл чарба жана кайра иштетүү өнөр жай министринин милдеттерин аткаруучу Бакыт Төрөбаевге албан ийгиликтерди каалады", - деп айтылат маалыматта.

Автор: Айзада Кыдырмышева