Мурдагы министр Аскарбек Жаныбеков жаңы кызматка барды

Мурдагы айыл чарба министри Аскарбек Жаныбеков "Айыл банктын" директорлор кеңешине мүчө болду. Бул тууралуу Кыргыз фондулук биржасы билдирди.

Маалыматка караганда, мындай чечим банктын акционерлеринин былтыр 29-декабрдагы кезексиз жыйынында кабыл алынган. Жаныбеков директорлор кеңешиндеги Нурай Марстын ордуна келди.

Белгилей кетсек, Аскарбек Жаныбековду былтыр 25-декабрда президент Садыр Жапаров башка жумушка которулганына байланыштуу, кызматтан алган.

Автор: Айзада Кыдырмышева