Кыргызстанга Түркиянын тышкы иштер министри расмий сапары менен келет

Түркиянын тышкы иштер министри Хакан Фидан Кыргызстанга расмий сапары менен келет. Анын визити 8-9-январга пландалган. Бул тууралуу Тышкы иштер министрлигинин маалымат кызматынан билдиришти.

Маалымдалгандай, расмий сапардын алкагында кыргыз-түрк кызматташтыгын мындан ары кеңейтүү маселелерин талкуулоо үчүн жогорку жана эң жогорку деңгээлдеги жолугушуулар өтөт.

Ошондой эле биргелешкен стратегиялык пландаштыруу тобунун биргелешкен алтынчы жыйынын өткөрүү пландалган.

Автор: Максуда Кудайбердиева