Тажикстанда Камчыбек Ташиев менен Саймумин Ятимов жолугушту

Кыргыз-тажик мамлекеттик чек арасын делимитациялоо жана демаркациялоо маселелери боюнча Кыргызстан менен Тажикстандын өкмөттүк делегацияларынын теңтөрагалары Камчыбек Ташиев менен Саймумин Ятимовдун жолугушуусу болуп өттү. Бул тууралуу бүгүн, 26-январда министрлер кабинетинин басма сөз кызматынан билдиришти.

Маалым болгондой, тараптардын жолугушуусу бүгүн, 26-январда Тажикстандын Согди облусунун Бустон шаарында өттү.

Ага ылайык, Кыргызстан жана Тажикстандын өкмөттүк делегацияларынын жетекчилери кыргыз-тажик мамлекеттик чек арасынын чечиле элек аймактарын делимитациялоону улантуу маселесин талкуулап, Кыргызстан жана Тажикстандын кыргыз-тажик мамлекеттик чек арасын делимитациялоо жана демаркациялоо боюнча Өкмөттүк делегацияларынын жумушчу топторунун сүйлөшүүлөрүн мындан ары активдештирүү боюнча конкреттүү тапшырмаларды беришти.

Жолугушуу достук маанайда жана өз ара түшүнүшүү кырдаалында өттү.

Автор: Айзада Кыдырмышева