Кыргызстан Кашгарда индустриалдык парк ачты

Кыргызстан “Эки өлкө - эки парк” долбоорунун алкагында Кашгарда индустриалдык парк ачты. Бул тууралуу бүгүн, 27-январда Санариптик өнүктүрүү министрлигинен билдиришти.

Ага ылайык, бул инновациялык долбоор “платформа + парк”, “институт + ишкана” өнүгүү моделин камтып, Кытай менен Кыргызстандын ортосундагы ыкчам трансчек логистикасын камсыздайт.

Долбоор ушул жылдын 24-январында старт алып, 48 сааттык жана 72 сааттык “кампадан кампага” түз ташуу кызматын камсыз кылары айтылат.

2023-жылдын декабрында кол коюлган макулдашуу жана Кытай менен кызматташуу эки өлкөнүн ортосундагы бизнес тармагын өнүктүрүүгө багытталганы маалымдалат.

Автор: Каныкей Амантаева
Фото: Санариптик өнүктүрүү министрлиги