Транспорт министрлиги жолдордун сапатын сактоо максатында рейд өткөрүүдө

Өлкөдө жолдордун сапатын сактоо үчүн рейд жүргүзүлүүдө. Бул тууралуу бүгүн, 17-апрелде Транспорт министрлигинен билдиришти.

Ага ылайык, Жерде жүрүүчү жана суу транспорту департаменти тарабынан салынган жолдордун сапатын сактоо, талкалоого жол бербөө максатында көзөмөл күчөтүлүп, текшерүү иштери үзгүлтүксүз уланууда.

Транспорт министрлиги ашыкча жүк жүктөгөн айдоочуларга Укук бузуулар жөнүндө кодекстин 181-беренеси боюнча (салмак-габариттик өлчөмдөрдүн белгиленген ченемдерин сактаган эмес) тиешелүү протоколдор толтурулуп, айып пул салынарын эскертет.