Муфтият Курман айттын так датасын жарыялады

Өлкөдө Курман айт майрамы 16-июнда белгиленет. Бул тууралуу муфтият билдирди.

Маалыматка ылайык, 15-июнь ишемби күнү арапа болот.

Белгилей кетсек, Курман айт Орозо айттан 70 күн өткөн соң белгиленет. Былтыр бул күн 28-июнга туш келген. Аталган майрамда айт намазы окулуп, курмандыкка мал союлуп, муктаждарга жардам берилет.

Эске салсак, буга чейин Курман айтты кыргызстандыктар 17-июнда майрамдай турганы айтылган. Мындай маалымат Министрлер кабинетинин сайтындагы токтом менен бекитилгени кабарланган.

Автор: Айжанар Рыспек кызы
Фото: интернеттен алынды