Министрлик ID карттарга бекер акция боюнча билдирүү таратты

AN сериясындагы 2004-жылкы үлгүсүндөгү ID-картын 2024-жылкы жаңы үлгүдөгү ID-картка алмаштыруу боюнча улуттук кампания башталды. Бул тууралуу Санариптик өнүктүрүү министрлиги кабарлайт.

Ведомство эски документтер коопсуздук жана ыңгайлуулук жагынан азыркы замандын талаптарына жооп бербей турганын белгиледи.

"Анын алкагында 1-июлдан 31-августка чейин жарандар үчүн каалаган себеп менен (жоголгондугуна, бузулгандыгына же аты-жөнүн өзгөрткөндүгүнө байланыштуу) акысыз жана өз каалоосу менен документ алмаштырууга мүмкүнчүлүк түзөт.

Жаңы ID-карттар биометрикалык маалыматтарга жана актуалдуу жеке маалыматтарга ээ. Муну менен жаңы документ колдонууда коопсуздугун жана ыңгайлуулугун камсыздайт", - деп жазылат маалыматта.

Белгилей кетсек, буга чейин өлкө башчысы Садыр Жапаров жакында ID-карттарды бекер алмаштыруу боюнча акция жүрө турганын билдирген.

Маалымат үчүн: 2004-жылкы сары түстөгү AN үлгүсүндөгү ID-карттарды гана алмашууга мүмкүн. 2017-жылкы үлгүдөгү ID-карттар алмаштырууну талап кылбайт.

Автор: Айжанар Рыспек кызы
Фото: Санариптик өнүктүрүү министрлиги