Өлкөдө жилик чучугун алмаштыруу боюнча алгачкы операция качан жасалары белгилүү болду

Кыргызстанда жилик чучугун алмаштыруу боюнча алгачкы операция жасалат. Бул тууралуу саламаттык сактоо министри Алымкадыр Бейшеналиев бүгүн, 29-июлда маалымат жыйында билдирди.

Министрдин айтымында, операция 2-августта Бишкек шаарында бекер жасалат.

"Бүгүнкү күндө бардык жабдуулар алынды. Учурда төрт бейтап даярдалууда", - деди министр.

Белгилей кетсек, буга чейин Алымкадыр Бейшеналиев жилик чучугун алмаштырууга 4 кишини даярдап жаткандарын, операцияга кеткен чыгымды өлкө башчы Садыр Жапаров төлөп берерин айткан.

Автор: Айпери Бакталбек кызы
Фото: Интернеттен алынды