Францияда Павел Дуровдун бир тууганына издөө жарыяланды

Телеграм мессенжеринин негиздөөчүсү Павел Дуровдун агасы Николай Дуровго Францияда издөө жарыяланды. Бул тууралуу чет элдик басылмалар жазып чыгышты.

Маалыматтарга караганда, бир туугандарды камакка алуу ордерин 25-мартта Франциянын соту чыгарган. Николай Дуровго жашы жете электердин порнографиялык сүрөттөрүн сактап, аны таратууга катышкан деген айып коюлууда.

Белгилей кетсек, 24-августта Франциянын жарандыгы бар Павел Дуров Париждин "Ле-Бурже" аэропортунда кармалган. Ал Парижге Азербайжандан жеке бизнес учагы менен учуп келгени маалымдалган.

Париж прокуратурасы Павел Дуровду 12 кылмышка айыптап жатат.