Ошто тергөөчүнү сабоого шектелген 4 жаран кармалды

Ош шаарында түнкү клубдардын биринин алдында тергөөчүнү сабоого шектелген 4 жаран кармалды. Бул тууралуу ИИМдин басма сөз кызматы билдирди.

Маалыматта окуя 9-сентябрга караган түнү саат экиде болгону айтылат. Анда 28 жаштагы Кара-Суу РИИБинин тергөө кызматынын улук тергөөчүсү К.М.ны бейтааныш жарандар сабап кеткен.

Окуя боюнча тиешелүү соттук-медициналык экспертиза дайындалып, кызматтык иликтөө жүргүзүлүп жатат.

Шектүү катары 22 жаштагы, 21 жаштагы жана 23 жаштагы 2 жаран кармалып, убактылуу кармоочу жайга киргизилди. Учурда иликтөө иштери уланууда.

Автор: Айжанар Рыспек кызы
Фото: интернеттен алынды