Президенттин тууганы Улан Жапаров үй камагына чыкты

Президент Садыр Жапаровдун аталаш тууганы Улан Жапаров үй камагына чыкты. Бул тууралуу бүгүн, 18-сентябрда Бишкектин Биринчи май райондук сотунан билдиришти.

Маалыматка ылайык, Улан Жапаровдун бөгөт чарасын өзгөртүп, үй камагына чыгаруу тууралуу Бишкек шаары боюнча УКМКнын башкы башкармалыгынын тергөөчүсү кайрылган. Сот арызды 24-августта карап, өтүнүчтү канааттандырган.

Белгилей кетсек, шектүү УКМК тарабынан июль айында кармалып, өзгөчө ири өлчөмдө алдамчылыкка айыпталып жаткан.

Эске салсак, Улан Жапаров 2023-жылдын июль айынын башында бажыдагы коррупциялык ишке аралашкан деп кармалып, октябрь айында үй камагына чыккан.

Улан Жапаров - президент Садыр Жапаровдун тууганы Ракымжан Жапаровдун уулу.

Автор: Айжанар Рыспек кызы
Фото: интернеттен алынды