Шашылыш билдирүү! Тоолуу райондордо сел жүрүшү күтүлөт

1-2-3-май күндөрү өлкөнүн тоо этектеринде, 3-майда түнкүсүн Ысык-Көл облусунун тоолуу райондорунда туруксуз аба ырайы жана локалдык нөшөрлүү жаан-чачын күтүлөт. Бул тууралуу Өзгөч кырдаалдар министрлиги билдирди.

Маалымдалгандай, мындай аба ырайына байланыштуу республиканын тоолуу жана тоо этектериндеги райондорунда сел жүрүшү, дарыяларда суунун деңгээли көтөрүлүшү мүмкүн.

ӨКМ бул күндөрү тоолордо, кооптуу аймактарда эс алуудан алыс болууга чакырат жана сел каналдарын, арыктарды тазалап, суунун өтүшүнө шарт түзүү керектигин эскертет.

Автор: Жазгүл Жаңыбаева