Айдоочулар үчүн ОСАГО полисин алуу убактысы узарды

Өлкөдө ОСАГО полисин алууга жетишпей калган жарандар ушул жылдын 1-сентябрына чейин убакыт берилди. Бул тууралуу Мамлекеттик камсыздандыруу уюму билдирди.

Маалыматка таянсак, мындай чечим ар кандай себептерден улам 1-июлга чейин унаасын камсыздандырууга үлгүрбөй калган жарандар үчүн кабыл алынган.

Белгилей өтсөк, буга чейин 1-июлдан тарта ОСАГО полисин албаган айдоочуларга 3 миң сомдон айып пул салынары кабарланган эле.

Маалымат үчүн: ОСАГО - автоунаа ээлеринин жарандык-укуктук жоопкерчилигин камсыздандыруу болуп саналат. Айдоочу кокус кырсыктап калса, камсыздандыруу компаниясы чыгымын төлөп берет.

Бир жылдык камсыздандыруунун базалык наркы 1680 сомду түзөт.

Автор: Айжанар Рыспек кызы
Фото: Интернеттен алынды