Кудайберген Базарбаев Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директору кызматынан бошотулду. Бул тууралуу бүгун, 14-ноябрда президенттин басма сөз кызматы билдирди.
Маалым болгондой, тиешелүү тескемеге президент Садыр Жапаров кол койгон.
Анын кызматтан кетиши башка ишке өткөндүгү менен байланыштуу экендиги маалыматта кошумчаланды.
Белгилей кетсек, Кудайберген Базарбаев аталган кызматка 2023-жылдын 14-сентябрында дайындалган.