АКШ Ирандын Харк аралына чабуул жасаганы айтылды

АКШ менен Израил Ирандын негизги мунай экспорттоочу түйүнү болгон Харк аралына сокку урганы кабарланды. Бул тууралуу Ирандын Mehr агенттигине таянуу менен чет элдик басылмалар жазышты.

Маалыматка ылайык, АКШ тарабынан Харк аралына бир нече жолу чабуул жасалып, жарылуулар орун алган. Учурда бул сокку тууралуу АКШ менен Израил тарап маалымат бере элек.

Харк аралы чакан болгону менен анын аймагында ири мунай сактоочу жайлар жана экспорттук терминалдар жайгашкан. Иран экспорттогон мунайдын 90 пайызы дал ушул арал аркылуу дүйнөлүк рынокко чыгат.

Харк аралы тууралуу толук маалымат.

Автор: Бурул Турусбекова