Японияда күчү 7,7 баллга жеткен катуу жер титирөөдө алты адам жабыркады. Бул тууралуу Iwate Nippo гезити кабарлаганын чет элдик басылмалар жазышты.
"Жабырлануучулардын төртөө жеңил жаракат алганы маалым болду",- деген бийлик өкүлү Жиро Акама.
Маалыматка ылайык, дагы эки жаран оор жаракат алды.
20-апрелде Киодо маалымат агенттиги Япониядагы жер титирөөнүн күчү 7,7 баллга жеткенин кабарлаган. Бийлик дароо цунами коркунучу тууралуу эскертүү берген.