“Кемин Ордо” жайындагы төө куштардын абалы коомчулуктун нааразычылыгын жаратты

Бишкек–Кемин унаа жолунун боюндагы “Кемин Ордо” эс алуу жайында кармалган төө куштардын абалы коомчулуктун тынчсыздануусун жаратууда.

Социалдык тармактарга тараган видеонун автору канаттуулар начар шартта багылып жатканын белгилеген. Анын айтымында, төө куштарга мөөнөтү өтүп кеткен тамак-аш калдыктары жана кургатылган мөмөлөр берилүүдө. Ошондой эле канаттуулар каралбай, мителерден жабыркап жаткандай көрүнөрүн айтып, тиешелүү мамлекеттик кызматтарды чара көрүүгө чакырган.

Азырынча бул маалымат боюнча расмий органдар комментарий бере элек.

Автор: Айзада Кыдырмышева