"Вкусная Корзинка" соода түйүнүн сатып алуу менен топ эки ийгиликтүү чекене соода бизнесин бириктирип, эки өлкөдө 220дан ашуун дүкөндү камтыган платформаны түзөт.
Бүтүм ассортиментти кеңейтүүгө, тейлөөнүн сапатын жогорулатууга жана сатып алуучуларга ыңгайлуу шарттарды сунуштоого мүмкүндүк берет
“Visor International” инвестор болгон жана Борбор Азиядагы “Умай Групп” азык-түлүк чекене соода тармагына ээлик кылган “Умай Холдинг” (мындан ары – “Умай”) Казакстандын Тараз шаарында жана өлкөнүн түштүгүндөгү башка шаарларда 49 супермаркети бар, аймактагы алдыңкы соода түйүндөрүнүн бири болгон “Вкусная Корзинка” тармагын сатып алуу боюнча келишим түзүлгөнүн жарыялады. Бул келишим күчүнө кириши үчүн аны Казакстандын Монополияга каршы органы жактырышы керек.
Бул келишим "Умайдын" Борбор Азияда алдыңкы заманбап азык-түлүк чекене соода платформасын түзүүгө багытталган узак мөөнөттүү стратегиясын ишке ашыруудагы маанилүү этап болуп саналат. Компания бул максатка өсүү жана стратегиялык сатып алуулар аркылуу жетүүнү көздөйт. 2001-жылы Казакстанда негизделген "Умай" кийин Кыргызстанда да олуттуу өсүшкө жетишкен.
Келишимге келгенден кийин бириккен топ Кыргыз Республикасында жана Казакстанда 220дан ашык дүкөндөрдү жетектейт. Бул келишимдин негизинде рыноктогу алдыңкы чекене соода компанияларынын бири болгон “Умай Групп” менен кеңири таанылган, өнүккөн соода түйүндөрүнө жана жергиликтүү коомчулук менен тыгыз байланышка ээ “Вкусная корзинка” биригет.
"Умай" инвестициялары Кыргызстандагы жана Казакстандагы сатып алуучуларга жеткиликтүү товарлардын түрлөрүн кеңейтүүгө, ошондой эле атаандаштык баалар, акциялар жана атайын сунуштар аркылуу аларга ыңгайлуу шарттарды сунуштоого мүмкүндүк берет.
Келишим потенциалдуу "Умай" рыногун олуттуу түрдө кеңейтет жана Борбор Азияда мындан ары узак мөөнөттүү өсүш үчүн платформа түзөт. Казакстан экономикасы эң ири болгон аймак болуп саналат, ИДПсы адам башына эң жогорку деңгээлде жана 20 миллиондон ашык калкы бар. Ошол эле учурда Кыргыз Республикасы дагы органикалык өнүгүү үчүн олуттуу потенциалды сактап келет.
"Вкусная Корзинка" тармагы жергиликтүү таанымал бренд болуп саналат. Ал белгилүү дүкөндөр тармагы, сатып алуучулар, кызматкерлер жана жеткирүүчүлөр менен көп жылдык мамилесинен улам Казакстандын түштүгүндө, баарынан мурда Таразда бекем позицияны ээлейт. «Умай» учурдагы башкаруу командасы менен тыгыз кызматташып, алардын жергиликтүү артыкчылыктарын азык-түлүк чекене соодасы жаатындагы ири көп форматтуу бизнести башкаруу жана кеңейтүү боюнча өзүнүн тажрыйбасы менен айкалыштырууну көздөйт.
Мындан ары компания "Умайдын" операциялык тажрыйбасына, ошондой эле анын акционери "Visor International" компаниясынын инвестициялык мүмкүнчүлүктөрүнө жана аймактык тажрыйбасына ээ болот.
Буга чейин "Умай" Эл аралык каржы корпорациясы (IFC) менен өнөктөштүк тууралуу да жарыялаган. Анын алкагында компанияга 50 миллион АКШ долларына чейинки көлөмдө кредиттик линия берилет. Бул каражат Бишкек шаарында жаңы логистикалык борборду курууга жана Кыргызстандагы бизнести мындан ары табигый жол менен кеңейтүүгө багытталат.
Бул долбоорлор биргеликте "Умайдын" инфраструктурага инвестиция салуу, операциялык мүмкүнчүлүктөрдү өнүктүрүү жана келечектүү компанияларды сатып алуу аркылуу аймактагы алдыңкы азык-түлүк чекене соода платформасын түзүү стратегиясын ырааттуу ишке ашырып жатканын көрсөтөт.
"Умай Групптун" Байкоочулар кеңешинин төрагасы Руд Педерсен:
"Бул келишим биздин негизги максатыбыз – Борбор Азиядагы азык-түлүк чекене соодасынын алдыңкы платформасын түзүү жолундагы маанилүү кадам болуп саналат. Ал жергиликтүү деңгээлде кеңири таанылган бренддерге, кардарлар менен бекем байланыштарга жана олуттуу өсүү мүмкүнчүлүгүнө ээ болгон эки күчтүү бизнести бириктирет.
"Вкусная Корзинка“ тармагынын жергиликтүү артыкчылыктарын "Умай Групптун“ операциялык тажрыйбасы жана акционерибиздин колдоосу менен айкалыштыруу аркылуу биз көбүрөөк кардарларды тейлөөгө жөндөмдүү жана бардык кызыкдар тараптар үчүн узак мөөнөттүү баалуулукту камсыз кылган күчтүү аймактык платформаны түзүп жатабыз".
Visor International компаниясынын башкы директору жана өнөктөшү, "Умайдын" ээси Майкл Сауэр:
"Visor International» жыйырма жылдан бери "Умай Холдингдин" өнүгүүсүн колдоп келет жана бул келишим ошол жолдогу жаңы этаптын башталышын билдирет. Биздин максат – салмактуу инвестициялар, өнүгүп өсүү жана сатып алуулар аркылуу "Умайга"Борбор Азиядагы азык үлүк чекене соода тармагындагы алдыңкы аймактык компанияны түзүүгө көмөктөшүү. "Вкусная Корзинка" корпоративдик маданияты жана стратегиялык максаттары боюнча "Умайга" толугу менен шайкеш келет. Биз эки компаниянын мындан аркы биргелешкен өнүгүүсүнө колдоо көрсөтүү мүмкүнчүлүгүнө кубанычтабыз".
"Вкусная Корзинка" соода түйүнүнүн негиздөөчүсү Алмаз Тультаев:
"Вкусная Корзинканын“ өнүгүүсүнүн кийинки этабын аныктоодо биздин баалуулуктарыбызды бөлүшкөн, бизнесибиздин өзгөчөлүктөрүн жакшы түшүнгөн жана анын узак мөөнөттүү өсүшүнө инвестиция салууга даяр өнөктөш табуу биз үчүн абдан маанилүү болду. Биз Кыргызстандагы "Умайдын“ өнүгүүсүнө кылдат көз салып келдик жана компанияларыбыздын корпоративдик маданияты менен стратегиялык артыкчылыктары жагынан чоң окшоштук бар экенин көрүп жатабыз. Эки компания тең жергиликтүү коомчулукка пайда алып келүүгө, кызматкерлерине инвестиция салууга жана сапаттуу азыкүлүктүн жеткиликтүүлүгүн жогорулатууга умтулат. Биз "Вкусная Корзинка“ акыркы жылдары жетишкен ийгиликтердин негизинде биргелешип иштеп, мындан ары да өнүгүүгө ишенебиз".
ЖМК өкүлдөрү үчүн байланыштар
Люси Воллам, Hudson Sandler (эл аралык ММКлар үчүн) lwollam@hudsonsandler.com
Ксения Кочергина, "Умай Групп" (жергиликтүү ММКлар үчүн) k.kochergina@umai-retail.kg
"Умай Групп" жөнүндө
"Умай Групп" - Кыргызстандагы алдыңкы чекене соода түйүнү. Компания заманбап чекене сооданы, логистикалык инфраструктураны жана өз өндүрүшүн өнүктүрүү боюнча 24 жылдан ашуун тажрыйбага ээ.
Компания Globus, "Народный", "Достор" жана SPAR бренддери менен 172 дүкөндү башкарат жана күн сайын 280 миңден ашуун кардарды тейлейт. "Умай Группта" 7500дөн ашуун кызматкер эмгектенет. Бул компанияны өлкөдөгү эң ири жеке иш берүүчүлөрдүн бирине айлантат.
"Умай Групп" заманбап логистиканы, санариптик технологияларды жана жеке соода маркаларын өнүктүрүүгө инвестиция салып, жогорку сапаттагы азык-түлүктүн жеткиликтүүлүгүн жогорулатууга жана Кыргызстанда заманбап азык-түлүк чекене соодасынын өсүшүнө өбөлгө түзүп келет.
Компания өлкөдөгү 20 ири салык төлөөчүнүн катарына кирет жана азык-түлүк инфраструктурасын чыңдоого, жергиликтүү өндүрүүчүлөрдү колдоого жана улуттук экономиканы өнүктүрүүгө багытталган туруктуу өсүүнүн узак мөөнөттүү стратегиясын ишке ашырууда.
Бизнесин өнүктүрүү менен катар "Умай Групп" билим берүү, спорт, маданият жана кайрымдуулук багытындагы демилгелерди да жүзөгө ашырып, калктын жашоо сапатын жакшыртууга, адамдар үчүн жаңы мүмкүнчүлүктөрдү түзүүгө жана коомдун туруктуу өнүгүшүнө салым кошуп келет.
Кошумча маалымат алуу үчүн "Умай Групптун" расмий сайтына баш багыңыз.
Ошондой эле "Умай Групптун" жаңылыктарын социалдык тармактардагы расмий баракчаларынан көзөмөлдөп туруңуз.
