Жети-Өгүздө сейрек кездешүүчү жаныбарлардын үйүрү (видео)

Бүгүн, 9-ноябрда Ысык-Көл облусунун Жети-Өгүз районунда тоо текелердин жана Марко Поло аркарларынын үйүрү видеого түшүрүлдү. Бул тууралуу Жаратылыш ресурстары, экология жана техникалык көзөмөл министрлигинен билдиришти.

Адистердин айтымында, акыркы убактарда жапайы жаныбарларды коргоого жана алардын табигый жашоо чөйрөсүн сактоого багытталган иштердин натыйжасында аймакта тоо текелердин жана Марко Поло аркарларынын санынын табигый жол менен көбөйүү тенденциясы байкалууда.

"Жапайы жаныбарлардын популяциясынын өсүшү - жаратылышты коргоо, биологиялык ар түрдүүлүктү сактоо жана экологиялык тең салмактуулукту камсыз кылуу багытында жүргүзүлүп жаткан иштердин натыйжалуулугун көрсөткөн маанилүү көрсөткүчтөрдүн бири",- деп белгиленди маалыматта.