Нарын облусунун Жумгал районундагы Соң-Көлгө чектеш аймактарда жүргүзүлгөн рейд учурунда 500 метр эски синтетикалык тор чыгарылды. Бул тууралуу бүгүн, 9-ноябрда Жаратылыш ресурстары, экология жана техникалык көзөмөл министрлиги билдирди.
Маалыматка ылайык, рейдди Базарбаев атындагы Каратал-Жапырык мамлекеттик жаратылыш коругунун кызматкерлери Экологиялык жана техникалык көзөмөл кызматынын инспекторлору менен биргеликте өткөрүштү.
Иш-чара мыйзамсыз балык уулоонун алдын алуу, суу биоресурстарын коргоо жана Соң-Көлдүн экологиялык абалын сактоо максатында уюштурулганы маалымдалды.