Биз социалдык тармакта

Президент болууну самаган дагы бир жаран 30 миң кол топтоду

Бүгүн, 16-ноябрда президенттик шайлоого талапкерлигин көрсөткөн Аймен Касенов "Түндүк" тиркемесинде 30 миң 24 адамдын колун топтоп, талапкер болуу үчүн зарыл болгон этапты басып өттү.

Борбордук шайлоо комиссиясына президенттик шайлоого талапкерлигин көрсөтүү боюнча 11 адам арыз берген. Алардын ар бири каттоодон өтүү үчүн кеминде 30 миң шайлоочунун колун чогултууга тийиш.

"Түндүк" тиркемесиндеги акыркы маалыматтарга таянсак, президенттикке талапкерлигин көрсөткөндөрдүн кол топтоо көрсөткүчү учурда төмөнкүдөй:

  • Аймен Касенов - 30 024;
  • Исхак Масалиев - 28 852;
  • Азамат Эсенбеков - 16 351;
  • Бактыбек Калмаматов - 16 817;
  • Клара Сооронкулова - 16 639;
  • Акай Кыдыров - 13 290;
  • Бакытбек Адылов - 8577;
  • Амур Айба Медер - 5370;
  • Мамбетжунус Абылов - 4496.

Буга чейин Садыр Жапаров менен Сыймык Жапыкеев тийиштүү колду топтоп бүткөн.

Белгилей кетсек, кол топтоо өнөктүгү 8-декабрга чейин уланат. Президенттик шайлоо 2027-жылдын 27-январында өтөт.













РУБРИКАДАГЫ СОҢКУ КАБАРЛАР
Архив
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан