Бүгүн, 19-ноябрда кыргызстандык дзюдочу Жанар Жолдошева Ташкент шаарында өтүп жаткан мелдеште финалга чыкты. Бул тууралуу Дзюдо федерациясынан билдирди.
Маалым болгондой, спортчу өспүрүмдөр арасындагы дүйнө чемпиондугунун жарым финалында атаандашын жеңип, алтын медаль үчүн күрөшүүгө мүмкүнчүлүк алды.
Белгилей кетсек, Ташкентте 21 жашка чейинки өспүрүмдөр арасында дүйнө чемпиондугу өтүп жатат. Кыргызстандын намысын 9 улан жана 9 кыз, жалпы 18 спортчу коргоодо. Дүйнөнүн 82 өлкөсүнөн 600гө жакын жаш балбан катышып жаткан мелдеш 22-ноябрга чейин уланат.