“Ала-Арча” көрүстөнүндө 3-4 жылга эсептелинген гана орун калды (фоторепортаж)

"Ала-Арча" көрүстөнүндө миңге жакын залкар инсандын сөөгү коюлган.

Апрель айында каза болгон коомдук ишмер жана саясат таануучу Ишенбай Абдуразаковдун бейити.

Көрүстөндө 3-4 жылга эсептелинген эле орун калганы маалым болду.

Илимпоз Сабирдин Турсун уулунун жана анын жубайына ырасталган эстелик.

Залкар адамдардын кош эстеликтери.

Алиаскар Токтоналиев Союз доорунда каржы министри болуп эмгектенген.

Жазуучу Касымалы Баялиновдун эстелиги менен жубайынын эстелиги жанаша коюлган.

Көрүстөнгө белгилүү мамлекеттик кызматкерлердин да сөөгү коюлуп келет.

Залкар инсандарга коюлган эстеликтер.

Көзү өтүп кеткен залкар адамдардын жанына өмүрлүк жубайлары да коюлган.

Көрүстөндө жалаң гана кыргыздын чыгаан уул-кыздарынын сөөктөрү коюлган.

Аза күтүү кызматынын директору Болот Карамуратов

Композитор, КРнын Гимнинин обонун жараткан Насыр Давлесовдун эстелиги.

"Өрүшүң толгон мураска, өмүрүң арнап Манаска. Дүйнөдөн өтүп кетсең да, өчпөсүн атың кыргызда" деген ыр саптары жазылган белгилүү манасчы Уркаш Мамбеталиевдин бейити.

Көрүстөнгө жалаң гана кыргыздын чыгаан уул-кыздарынын сөөктөрү коюлган.

Кыргыз Эл жазуучусу Асанбек Стамов.

2005-жылы Ак үйдүн жанында окко учкан Жогорку Кеңештин ошол кездеги депутаты Жыргалбек Сурабалдиевге тургузулган эстелик.

Көрүстөндүн ичинде атайын аймактар бөлүнгөн. Мисалы, мамлекеттик кызматкерлердин сөөктөрү бир тарапта орун алса, маданият өкүлдөрүнүн сөөктөрү башка жайларга коюлган.

Борбор калаада беш көрүстөн бар. Анын ичинен экөө толуп калгандыктан жабылган. Учурда үчүнчүсү да толуп, жер маселеси курчуп турган кез.

Үстүбүздөгү жылдын апрель айында каза болгон залкар талант, КРнын Эл артисти Бакирдин Алиевдин коюлган жери.

КРнын Эл артисти, киноакадемик Болот Бейшеналиевдин бейити.

Сүрөтчү, актёр Сүймөнкул Чокморовдун эстелиги.

Жакынкы аралыкта тургузулган эстеликтердин бири КРнын Эл артисти Сабира Күмүшалиевага тургузулган. Ал 2007-жылы өмүрү менен коштошкон.

Залкар жазуучу Чыңгыз Айтматовдун апасы Нагима Айтматова да ушул көрүстөнгө коюлган. Анын күмбөзүнө кошо жолдошу, мамлекеттик ишмер Төрөкул Айтматовдун да эстелиги тургузулган.

Манасчы Саякбай Каралаевдин эстелиги.

"Бул жерде мен, анан 4 бала иштейт. Жумуш көп, жайдын күнү дагы жай казган оңой, ал эми кыштын күнү жер казуу өтө татаал. Балдардын айлыгы 3200 сомду түзөт. Ушул маселеге көңүл бурулса жакшы болот эле",- дейт "Ала-Арча" көрүстөнүнүн башчысы Ажара Шамбетова.

“Ала-Арча” көрүстөнүнө белгилүү мусулман инсандарынын сөөгү бир гана өкмөттүн уруксаты менен коюлат. Бирок айрым чыгаан инсандардын сөөгү киндик каны тамган жерлерине коюлууда. Союз убагынан бери “Ала-Арча” көрүстөнүндө Кыргызстандын миңге жакын белгилүү инсандарынын сөөктөрү коюлган”,- деп SUPER.KG порталына Аза күтүү кызматынын директору Болот Карамуратов билдирди.

Көрүстөндүн жалпы аянты 31 гектар. Бир маркум үчүн 10 чарчы метр жер бөлүнөт. Бирок айрымдарынын эстеликтери чоң көлөмдө болгондуктан, алардын аянты чегинен ашып кетүүдө.

“Эгерде каза тапкан белгилүү инсандын жубайы же жолдошу да белгилүү инсан болсо, ага жер бөлүнгөндө дароо эки жер бөлүнөт. Себеби кийин кайра орун бөлүштүрбөй, күйөөсү-аялы жанаша коюлсун деген максатта”,- дейт Б.Карамуратов.

Борбор калаадагы тарыхый мемориалдык “Ала-Арча” көрүстөнү 1940-жылы негизделген. Ал эми 1973-жылы атайы бөлүнгөн аймакта орун жок калгандыктан, расмий түрдө жабылган. Ошол эле жылы аталган көрүстөнгө кошумча жер аянты бөлүнүп, ал кайрадан ишке кирген. Бүгүнкү күндө аталган жайда калган бош орундар 3-4 жылга гана эсептелинген.

Аза күтүү кызматынын жетекчисинин айтымында, учурда жер маселеси курчууда. Айрым көрүстөндөрдө орун жок калып, жабылууда. Ошол эле Чоң-Арыктагы көрүстөндө бүгүнкү күндө орун жок. Сөөк коюу үчүн тоонун боорунан орун берилген. Бирок ал жакка эч ким жакынын койгусу келбейт. Себеби ал жакка чыгып кайра түшүүдө, унаанын чыгуусунда бир катар кыйынчылыктар катталат.

Автор: Мальвина Уметбекова
Фото: Мальвина Уметбекова

18:31 04-06-2014

Жазылуу

РУБРИКАДАГЫ СОҢКУ КАБАРЛАР

14:52 2025-05-07 | Коом жана турмуш

Билим берүү министрлиги чет элдик студенттер окуган ЖОЖдордогу көзөмөлдү күчөтүүнү тапшырды 45 0

14:29 2025-05-07 | Түркүн дүйнө

Индия-Пакистан чек арасындагы кырдаал: Эки тараптан канча адам каза болгону айтылды 475 0

14:24 2025-05-07 | Бизнес-Инфо

Кыргызстанда 7 май – Байланыш күнү: О! командасынын атынан куттуктоо 96 0

14:20 2025-05-07 | Бизнес-Инфо

Bakai Bank ардагерлерди Жеңиш күнү менен куттуктады 95 0

13:05 2025-05-07 | Коом жана турмуш

"Күйөөм баланын майып экенин билгенден кийин кайрылып келген жок" дейт Айдай айым (видео) 642 0

13:02 2025-05-07 | Коом жана турмуш

"Япониядагы жашоом тууралуу кино тарткым келет" дейт Күн Чыгыш өлкөсүндө эмгектенген Каныкей (маек) 2070 0

Архив

Комментарийлер (18)

uluk1982

2014-06-04 20:33:30

Мурзо-шаар!

turmus

2014-06-04 21:35:33

Шашылыныздар дегендей эле го!

Munar_6052

2014-06-04 21:55:52

Белгилуу инсан болсо эле 10 чарчы метрди элеп алабы? Мындайды Аллахда жактырбайт. Жакшы тилек жарым ырыс дегендей, баарына бирдей болунуш керек.

Jyrgal_msk

2014-06-04 22:02:07

Ала-арча көрүстөнүндө эмне түз эле бейишке барабы?Ал жерге залкар инсандардын сөөгү гана коюлчу.Эми өлө элек аялдарына да жер алып алганы туура эмесго.Ал жердин топурагы да башка жердин топурагындай эле.Ал эми кээ бир эстеликтер чоң жасалып калган.Андан көрө ушул залкар инсандардын эстелигин шаарга коюшса,көрк берип турмак жана ал адамды көбү таанымак.

Sharipa-asia

2014-06-04 22:44:38

Баарыбыз эле 4чарчы метр жерге барабыз го, ал жер неге сатылат

ibo

2014-06-05 00:31:08

Куудулдар айткандай топурагы торко болсо керек да. Бакирдин Алиевдин жайы эн соонун экен 4х4 аран чыкса керек. Менин укканым боюнча мурзонун кимдики экени билинбей калса ошол жерде жаткан маркумга сооп болот деп.

ACAH_AKA

2014-06-05 00:35:26

Музейго озунчо эле баалары укмуш атанкорууууу.
Азыр олгон да озунчо той болуп калыптырда а паланча минге жер сатып алса паланча минге эстелик сестелик жатаса охрана койуп койушсун бир жолу.Ошол жерге комулсо туз бейишке жолдомо ала тургансып кызык эле адамдар

sergo

2014-06-05 01:35:56

Озу шарията сурот эстелик койсо болбойт дейтго. Кырк жылдын ичинде комулгон жери билинбей кетсе откон адамга сооп болот деп укам. Булардын эстелиги кыр жыл эмес 400жыл турса керек. Бирок анткен менен атан апан болгондон кийин кылгын келетда бизда атабызга жылдыка эстелик койобуз деп жатабыз.

Mukay

2014-06-05 03:07:05

Жердин баары кара топурак, анын айрымасы энеде экен ? Байбы кедейиби кара жерге көмүлөт го. Булар өлбөй жатып, мен орун сатып алам дегендер го. Кудай сакта, туулган жерге чоң ата өз аталардын жанына эле көмүлгүсү келбейби тооба.

Dooron

2014-06-05 03:29:05

Мурзо деген мынчалык шаар сымал болбош керек эле. Соокту коюп устуно тонналаган ташты коюнун ордуна топурак менен уйо комуп жанына кочот отургузуп койсо сообу жакшы болмок. Эми айла жок да ар ким оз каалосун кылат экен да.

nurgul-92

2014-06-05 06:03:33

Ozu kgdrn bashka olkolordo but eke ozudorunun gorun satip alishat mysaly turkiyada kachan gana ishtep bashtaganda ele ozunun gorun satyp alyshat

AZIK01

2014-06-05 08:08:27

Мурзо эмес "эстеликтер галереясы" болуп калыптырго. Жаткан жерлери жайлуу, топурагы торко болсун.

ACAH_AKA

2014-06-05 09:54:18

Эстелик таш паштын оордуна бир туп кара жыгач же арча орнотсо сооп болот деп уккан элем болбосо айланасын жыгач менен тосуу керек экен.Азыр каякта турмодон айырмасы жок кылып коргондошот

arzigul89

2014-06-05 12:23:31

Жаткан жерлери жайлуу болсун,ылайым баарыбызга АЛЛА ТААЛАМ узак омур берсин,бардыгынын соогу киндик каны тамган жеринеле койулса жакшы болмок

kyrgyzka90

2014-06-05 22:08:32

Тобоо олсонда болушот экен да байлар бул корустонго кедейлер бул жакка деп ээ кудай озун сакта кандай заманда жашап жатабыз

Комментарий калтыруу үчүн өз ысымыңыз менен кириңиз же каттоодон өтүңүз.