Иса Өмүркуловдун сот иши боюнча чечим 25-июнда чыгат

Иса Өмүркуловдун сот иши боюнча чечим 25-июнда чыгат. Бул тууралуу бүгүн, 18-июнда өткөн сот отурумунда сот ишине төрагалык кылып жаткан Октябрь райондук сотунун судьясы Жамиля Сабитова билдирди.

Сот отурумунда экс-мэр Иса Өмүркулов жана башка соттолуучулар өздөрүнүн күнөөсүз экендиктерин жана адилет чечим күтүшөрүн айтышты.

Эске сала кетсек, И.Өмүркуловго кылмыш иши 2013-жылдын 2-декабрында козголуп, 4-декабрда мэр өз каалоосу менен кызматтан кеткен. Экс-мэр Өмүркулов жана мэриянын кызматкерлери Дүйшөнбиев, Тезекбаев, Абдыкаров, Кадырмамбетов "Дайыр Асанов атындагы "Жеңиш" сейил багынын чек арасын аныктоодо бир катар мыйзам бузууларга барган" деп күнөөлөнүшүүдө.