Жоомарт Оторбаев "жергиликтүү тургундарда инвесторлорго карата ишенбестик бар" деди

“Кыргызстанда жергиликтүү тургундар тоо-кен тармагындагы инвестициялык долбоорлорго терс мамиле кылгандыгы өкүндүрөт”,- деди бүгүн, 19-июнда Бишкекте өткөн тегерек столдо премьер-министр Жоомарт Оторбаев. Анын айтымында, буга чейин инвесторлорго туура мамиле жасоо багытында бир топ семинарлар өткөрүлгөн. “Тилекке каршы, жергиликтүү тургундарда инвесторлорго карата ишенбестик бар. Анткени мурда тоо-кен долбоорлору ачык-айкын жүргүзүлчү эмес. Ачык айтканда, коррупциялык жолдор менен жүргүзүлгөн”,- деди өкмөт башчы.

Автор: Нургазы Аматов