Өмүрбек Текебаев: "Карапайым калк үчүн энергияга болгон бааны көтөрүүнү унуткула"

«Ата Мекен» фракциясы бүгүн, 20-июндагы отурумунда электр энергияга болгон бааны көтөрүү маселесин талкуулаган жок. Аталган фракциянын лидери Өмүрбек Текебаев Энергетика жана өнөр жай министрлигинин өкүлдөрүнө кайрылып, "карапайым калк үчүн энергияга болгон бааны көтөрүүнү унуткула" деп билдирди.

Ошону менен бирге фракциянын мүчөлөрү "Энергетика жөнүндө", "Электроэнергетика жөнүндө" жана "Кыргызстандагы табигый жана уруксат берилген монополия жөнүндө" мыйзамдарына толуктоолорду киргизүү демилгесин колдоп беришти. Аталган толуктоолор энергияга болгон бааны көтөрүүгө тиешеси жок.

Автор: Айпери Ганыжан кызы