Баткендеги апрель жана май айларында болгон окуяда туруктуулукка салым кошкондорго Ардак медалы тапшырылды

26-июнда Баткенге келген ички иштер министринин орун басары Курсан Асанов апрель жана май айларында болгон окуяда туруктуулукка, тынчтыкка салым кошкон чек ара кызматкерлери жана жергиликтүү элге Ардак медалын жана Ардак грамота тапшырды. Бул тууралуу бүгүн, 27-июнда Баткен ОИИБинин басма сөз кызматы билдирди.

Анда Курсан Асанов Чек ара кызматынын бекемделишине салым кошкондорго ыраазычылык билдирип өттү.

Эскерте кетсек, 2014-жылдын апрель жана май айларында Баткен районунун Таш-Тумшук айыл аймагында жайгашкан айылы менен коңшу Тажикстан Республикасынын Ворух чек ара айылынын ортосунда келишпестиктер келип чыккан.

Автор: Айсана Паизова