Бакыт Төрөбаев: "Энелер бар үчүн улуу тоолор сакталып, кыргыз улуту жашап жатат"

Жогорку Кеңештин депутаты Бакыт Төрөбаев кыргыз мамлекетиндеги айымдарды Энелер күнү менен куттуктады. Куттуктоодо булар айтылат:

"Урматтуу улут уңгусу болгон энелер!

Сиздер бар үчүн улуу тоолор сакталып, кыргыз улуту жашап жатат. Мөңгү суусундай тунук пейилиңиздер, күн нурундай мээримиңиздер, айкөлдүк асыл сапатыңыздар, нарк-насилиңиздер менен мекен уюткусу болуп келесиздер. Каныкей жана Курманжан энелерибиз акыл менен журт биримдигин ширетип келишкен, андыктан үй-бүлө бактысы, саламаттыгы, тынчтыгы да сиздер аркылуу болмокчу. Акылман бабалар бекеринен "бейиш эненин таманында" дешпегендир. Эне мээримине, аруулугуна эч нерсе тең келе албас, анткени эне адамзаттын башына түшкөн кыйынчылыкты жер сыяктуу кебелбей көтөрөт. Тоскоолдуктарда ташты да таптап өтүүгө, бийик аскалардай максаттарды жирөөгө шыктандырып, тамырыбызга, каныбызга күч-кубат бересиздер.

Эл ичиндеги пейили ак жоолугундай касиеттүү, кутман энелерибиз, сиздерге дөөлөттүү карылык, бекем ден соолук каалайм. Үй-бүлө, улут түркүгү үчүн аман болуп, коломтобуздун куту катары төрүбүздө жүрүңүздөр!

Сиздер бар мекен түзүлүп, сиздер бар улут жашайт!"

Терең урматтоо менен КР ЖКнын депутаты, "Өнүгүү-Прогресс" саясий партиясынын төрагасы Төрөбаев Бакыт Эргешевич.

жаңыланды 17:36 16-05-2015
кошулду 18:42 15-05-2015

Жазылуу

РУБРИКАДАГЫ СОҢКУ КАБАРЛАР

20:09 2024-05-05 | Саясат

"Өзгөртүп коюу беш секундда". Президент "Рух Ордо" комплексинин долбоору боюнча сурамжылоо жүргүзүүдө 1077 0

17:40 2024-05-05 | Коом жана турмуш

Жаан жаайт. 6-майга карата аба ырайы 871 0

16:27 2024-05-05 | Коом жана турмуш

Кыргызстан менен Өзбекстандын чектешкен аймагында жер титиреди 1424 0

16:16 2024-05-05 | Коом жана турмуш

Этникалык кыргыздарга окуу жайлардан 75 орун берилди 447 0

15:03 2024-05-05 | Коом жана турмуш

Шашылыш билдирүү: Бишкек менен Чүйдө катуу шамал болот 793 0

13:54 2024-05-05 | Маданият, шоу-бизнес

Бишкекте “Король Лир” спектаклинин премьерасы өттү (сүрөттөр) 498 0

Архив

Комментарийлер (4)

Ajar.

2015-05-15 13:13:58

Жалындуу сөздөр, жакшы сөздөр... Бирок биз чын эле татыктуубузбу ушул сөздөргө... Тилекке каршы, акыркы кездерде ойго келбеген жоруктарды жасап, шумдуктай окуялар катталып жатат (энелердин катышуусунда, сайттагы жаңылыктардын негизинде айтып жатам), муну моюнга алышыбыз керек, ачуу болсо да.Ошон үчүн ашыкча мактоодон уялып да кетет экенсиң... Бирок баары жакшы болот деп үмүттөнөм...

mirana9395

2015-05-15 14:07:14

Алтындай болгон энелерибиз бар болсун,ылтынып апам ардайым бешенемде болунуз.

nazira1989

2015-05-16 18:45:19

Эне болгондон кийин,эненин кадырын билет экенсин,асылдарым,кун нурундай мээримин чачкан энелер бар болунуздар,сиздердей башка эч ким мээрим тогуп,баласы ооруса кошо ооруп,алыска кетсе куса болгон асыл адам табылбайт...Жерге чейин ийилип таазим кылам,бугунку майрамыныздар менен АСЫЛДАРЫМ...

lale82

2015-05-16 22:36:29

бакыт мырза жакшы иштерди жасап жатат. соз менен эмес иш менен далилдеп жатат.шайлоодон кийинда ушундай иштер жасалса кыргызстанда тузук эле алдыга жылуу болот.жакында биздин районго кочо лампаларын коюп кетти кечкисинда жапжарык болуп жыргап калдык.баары кошунадар озгочо орус кемпирлер ушул жигиттишайлаш керек деп суйунушту.суйунучубуз узакка болсо экен.размат сизге бакыт мырза!

Комментарий калтыруу үчүн өз ысымыңыз менен кириңиз же каттоодон өтүңүз.