Агенттик: "Кыргыз жеринде 80 мадыл бар, 1 мадылды өлтүргөндөргө 25 миң сом өлчөмүндө айып пул салынат"

Мадыл 1975-жылы Кызыл китепке кирип, сейрек кездешүүчү жандык катары коргоого алынган. Бул жандыкты кармоого, ага аңчылык кылууга тыюу салынган. Бул тууралуу Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы боюнча мамлекеттик агенттигинин басма сөз катчысы Салайдин Камалдинов билдирди.

Анын айтымында, мадылды өлтүргөндөргө 25 миң сом өлчөмүндөгү айып пул каралган.

Кошумчалай кетсек, окурман SUPER.KG порталына Кочкор районунун Дөң-Алыш айылынан алыс эмес Мадияр жайлоосунан жергиликтүү чабандар мадылдын баласын кармап алышканын кабарлаган. Окурман олжо ээлери колго түшкөн мадылды катытууну пландап жатышканын жашырган эмес.

Акыркы алынган маалыматтарга караганда, өлкө боюнча мадылдардын саны 80ди түзөт.

Маалымат үчүн: Мадыл - мышыктар уруусундагы сүт эмүүчү. Денесинин узундугу 50 сантиметрге жетет, куйругу 21-31 сантиметрди түзөт. Өлкөнүн түндүк аймагында, Ысык-Көл, Чүй, Тянь-Шань тоолорунда: Үзөңгү-Кууш, Сары-Жаз, Ак-Шыйракта жана башка жерлерде өткөн кылымда кенен таралган. Мадыл токойсуз, бадалсыз, ачык жерлерди, тоонун сырттарын, тоо бетиндеги шагыл таштар, аскалардын жаракаларын мекендейт. Бул жандыктын көбүрөөк жолуккан жерлери - кемирүүчүлөрдүн топ-топ болуп жашаган жерлери. Мадыл суур ийининде жашайт. Ал сейрек кездешет, андыктан 1975-жылдан тартып Кызыл китепке киргизилген жана коргоого алынган.

Автор: Максат Кудайбердиев
Фото: Окурманга таандык

13:33 24-06-2016

Жазылуу

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 1082 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 962 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3621 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1122 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1805 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 709 0

Архив

Комментарийлер (7)

kubat_73

2016-06-24 13:40:10

Абдан туура кылат кызыл китепке кирген жаныбырларды сакташ керек толотсун штрафты.Токойду кыйып жаныбарларды кырып бутмой болдук го эртен келечекке эмне калтырабыз деги

Sema87

2016-06-24 14:31:41

Ото аз экен жок болуп да кетиши мумкун аларды кармап эле атайын бир жерде кобойтуу зарыл мага бир жуп беришсе озум багып кобойтот элем

Urmat_83

2016-06-24 14:32:26

Элдик кабарга мадылды кармап алып мактанып жазгандарга сразы жазгыла штрафты.Кызыл китепке кирген жаныбарды кармап алып мактанышыптырго

arimaz89

2016-06-25 04:51:14

Urmat_83,ал элдик кабарга жазып тетирисинче катырып коюудан сактап калды го рахмат айтуу керек ага же смартфонду бериш керек

new_hacker

2016-06-24 15:37:44

э бул жон еле мышык го

dobrajelatel

2016-06-25 02:11:04

25мин сом эмес 25мин доллар салса болчудай. Айып пул ото аз. Болгону 80 калса. Жоопкерчилик менен мамиле кылуу керек

koutinho

2016-06-25 08:32:58

мышык уруусуна кирет, бирок мышыктан чонураак жана узунураак. 25 мин сом аз. 1 млн сом десе окшошмок, бир жолу эле 1000 сом штраф десе деле болмок экен...

Комментарий калтыруу үчүн өз ысымыңыз менен кириңиз же каттоодон өтүңүз.