Алматы шаарындагы кыргыз ишкерлери авиакырсыктан каза болгондордун жакындарына акчалай жардам беришти

Казакстандын Алматы шаарында эмгектенген Кыргыз жарандары авиакырсыктан жабыркагандарга жана каза болгондордун жакындарына акчалай жардам беришти. Бул тууралуу бүгүн, 20-январда SUPER.KG порталына кайрымдуулук акциясынын уюштуруучусу Алдаяр Маматов билдирди.

"Кыргыз элинин башына оор күн түшүп, элибиз чоң жоготууга учурап турса, чет жерде жүргөн кыргыздар жардам колун сунуп, каражат чогултууну туура көрүштү. Бир боор мекендештерибиз үчүн базарда иштеген ар бир кыргыз мүмкүнчүлүгүнө жараша акчалай жардам берди. Бүгүнкү күндө чогулган 230 миң сомду (1 103 000 теңге) жабыркаган ар бир үйгө кирип таратып чыктык", - деп билдирди Маматов.

Маалыматка ылайык, мекендештерге жардам акциясын Алдаяр Маматов, Кубатбек Абдысатаров, Элчоро Анарбаев жана Адилет Турдубаев уюштурган. Каза болгон 34 адамдын жакындарына 6750 сомдон бөлүп беришкен. Мындан сырткары жылуу кийимдерди кошо таратышкан.

Эске салсак, буга чейин алматылык активисттер жардам катары азык-түлүк, кийим-кече, канцелярдык товарларды жана балдар үчүн оюнчуктарды чогултушканы айтылган.

17:58 20-01-2017

Автор: Акназар Сулайманкулов
Фото: Алдаяр Маматов

Жазылуу

РУБРИКАДАГЫ СОҢКУ КАБАРЛАР

23:14 2024-05-03 | Спорт

Эки кыргыз мушкери бокс боюнча Азия чемпиондугунда финалга чыкты 462 0

23:10 2024-05-03 | Коом жана турмуш

Мэрия Бишкектин көчөлөрүн жууй турган 4 унаа алды 489 0

22:57 2024-05-03 | Коом жана турмуш

Акылбек Жапаров Сузактагы кырсыктан жабыркаган балдардан кабар алды 618 0

22:29 2024-05-03 | Коом жана турмуш

Сузактагы кырсыктан жабыркаган балдарды министр жана ата-энелери коштоп келди (видео) 835 0

21:44 2024-05-03 | Коом жана турмуш

Ноокат жана Ысык-Көлдөгү шайлоого 22 миллион сомдой сарпталат 386 0

21:37 2024-05-03 | Коом жана турмуш

Сузактагы кырсыкта жабыркаган балдар Бишкекке алып келинди (фото, видео) 1333 0

Архив

Комментарийлер (3)

Nurmuhammad-1

2017-01-20 18:00:36

Жараткан раазы болсун!!!

momun74

2017-01-20 18:40:58

Аябай толкунданып жатам дуйнону сулуулук эмес боорукерлик жана адамдык жакшы сапат сактап калат десек болчудай

mira28

2017-01-20 21:53:17

Кудайым ыраазы болсун.Оз колдоруна берип ал акыбалын сурап туптуура иш жасашыптыр.Кантсе да элден айланса болгудай.Мына 3 4 кундун ичинде кыргыз эли кандай ынтымактуу экенин корсото алды.Кудайгаа ыраазычылык билбдирем кыргыз элине чачып турган ырыскысы учун.

Комментарий калтыруу үчүн өз ысымыңыз менен кириңиз же каттоодон өтүңүз.