Казакстан чек арасынан ветеринардык көзөмөлдү алуу үчүн Кыргыз тарап эмне кылуу керектиги айтылды

Тектеш кабарлар: Кыргыз-Казак чек арасына байланыштуу көйгөйлөрдүн чоо-жайы (2017-жылдын 1-январынан бери) (98 материал)

Казакстан чек арасынан ветеринардык көзөмөлдү алышы үчүн Кыргыз Республикасы товарларды ЕАЭБдин талабына ылайык сертификаттоо, малдарды идентификациялоо иштерин тездетүү, эпизоотикалык абалга көзөмөлдү күчөтүү зарыл. Бул тууралуу бүгүн, 24-февралда өкмөт жыйынында премьер-министр Сооронбай Жээнбеков билдирди. Өкмөт жетекчиси өлкөдө малды идентификациялоо жүрүп жатканын, бирок абал канааттандырарлык эмес экенин баса белгиледи.

Премьер ишкерлерге шарт түзүү боюнча буларга токтолду:

"Кыргыз мамлекетинин ЕАЭБге мүчө болгондугун эске алуу менен, биздин ишканаларга ЕАЭБге мүчө өлкөлөрүнүн аймактарына товар экспорттоочу ишканалардын тизмесине киришине колдоо көрсөтүү керек. Баарыңарга кабардар кылып койчу маалымат – 2017-жылдын 12-августунан тартып ЕАЭБдин 18 техникалык регламенти күчүнө кирет. Анын ичинде азык-түлүк коопсуздугу боюнча 9 техникалык регламент бар".