ЕАЭБге мүчө мамлекеттердин башчылары тар чөйрөдө сүйлөшүү жүргүзүүдө

Евразиялык экономикалык биримдикке мүчө өлкөлөрдүн президенттерин "Ала-Арча" мамлекеттик резиденциясынан Кыргыз Республикасынын президенти Алмазбек Атамбаев тосуп алды. Азыркы учурда ЕАЭБге мүчө мамлекеттердин лидерлери тар чөйрөдө сүйлөшүү жүргүзүүдө.

Белгилей кетсек, Бишкекте бүгүн, 14-апрелде Жогорку Евразиялык экономикалык кеңештин жыйыны өтүүдө. Ага Кыргыз Республикасынын президенти Алмазбек Атамбаев, Орусиянын президенти Владимир Путин, Казакстандын президенти Нурсултан Назарбаев, Армениянын президенти Серж Саргсян, Беларустун президенти Александр Лукашенко катышууда.