Ырчы Абдумалик Шерматовдун үстүнөн арыз жазгандар окуянын чоо-жайын айтып беришти

Белгилүү ырчы Абдумалик Шерматов 2 күн мурун Бишкек шаарынын Октябрь райондук ички иштер бөлүмү тарабынан камакка алынган. Ырчыны камоого ага алдандык деп 6 адамдын милицияга арыз жазгандыгы себеп болгонун бүгүн, 18-августта SUPER.KG'ге аты-жөнүн билдирүүнү каалабаган тургундар айтып беришти.

“2011-жылдан тарта ырчы менен тынымсыз байланышта болуп, кызматташып жүрдүк. Ал ишенимге кирип, 2015-жылы өзүнүн 50 жылдык мааракесин белгилейм деп менден ири суммадагы акча сурады. Жарнамалык материалдарга, сахна жасалгасына, ресторандагы чыгымдарына, жалпы 800 миң сом акча алды. Мааракесин белгилөөдөн 3 миллион сом акча түшө тургандыгын айтып, карызын дароо кайтара турганын убадалаган. Бирок тою өткөндөн кийин убадасын унутуп, ушул кезге чейин аткарбай келе жатат. Мен жогоруда айтылган акча кантип анын колуна тийгендигин банк, күрөөканадан алынган аныктама кагаздар жана башка күбөлөр менен далилдей алам”, - деди ал.

Бизге кайрылгандардын дагы бири А.Г. аттуу тургун Ош облусунан келген. Ал ырчыга ишенип 5 бодо малынан жана 40 тонна картошкасынан кол жууп калганын айтат.

“Абдумалик Шерматов менин жолдошум менен аскер кызматын бирге өтөгөн экен. Ал биздин үйгө гастролдоп жүргөндө көп келчү. 2015-жылы март айында 50 жылдык мааракесин өткөрүү үчүн карызга акча сурап, 5 бодо малыбызды саттырып акчасын алып кеткен. Мындан тышкары 40 тонна картошканы Бишкектен кымбат сатып акчасын алып келем деп топтоп кеткен. Биз айылдаштардын картошка түшүмүн жыйнап, оор жүк ташуучу 2 унаага жүктөп бергенбиз.

Ал мааракесин өткөрүп, карызын үстөгү менен төлөй турганын айткан. Бизге күрөөгө деп Хонда-Степвагон унаасын таштап кеткен. Көп өтпөй кайра келип, “акча азыр банктан келет, мен дүкөндөн азык-түлүк алып келем. Сиздер даярдык көрүп туруңуздар” деп унаасы менен дүкөнгө кеткен боюнча кайра келген жок. Ошентип айылдаштарга 40 тонна картошканын акчасын өзүбүз төлөп берүүгө мажбур болдук. Жалпы эсепте ал бизге 700 миң сом бериши керек”, - деди А.Г.

Алар 1 жылдан бери ырчынын үстүнөн арыз жазып, бирок жыйынтык болбой келгенин кошумчалашты. 2 күн мурун Абдумалик Шерматов Чүй облусунун аймагында жүргөнү аныкталып, Кара-Балта шаарына жакын жерден кармалып, 2 аптага камакка алынган.

SUPER.KG порталы өз учурунда ырчы Абдумалик Шерматовдун тарабын да окуя боюнча угууга даярдыгын билдирет.

Автор: Мунарбек Жоргомов
Фото: Интернеттен алынган

17:53 18-08-2017

Жазылуу

РУБРИКАДАГЫ СОҢКУ КАБАРЛАР

11:59 2025-06-24 | Коом жана турмуш

Нурдан Орунтаев Бишкекте курулуш компаниясынан жабыр тарткан жарандарга жолукту 30 0

11:37 2025-06-24 | Түркүн дүйнө

Иран Израилге каршы аскерий аракеттерин токтотту 456 0

11:22 2025-06-24 | Түркүн дүйнө

Түркиянын Адана облусунунда 4,5 баллдык жер титирөө болду 110 0

11:02 2025-06-24 | Кылмыштар, кырсыктар

Нарында аялын бычак менен коркутуп, ага бензин чачкан жаран кармалды 359 0

10:46 2025-06-24 | Түркүн дүйнө

Ирак, БАЭ жана Кувейт аба мейкиндигин жапты 590 0

10:37 2025-06-24 | Кылмыштар, кырсыктар

Ок-дарылары да бар... Рейдде Ленин райондук милициясы жарандардан 5 курал алды 243 0

Архив

Комментарийлер (20)

zhykyo

2017-08-18 18:01:43

Ме сага опасно

AIZAD

2017-08-18 18:14:52

Аябай ишенимдуу корунот окшойт да, суйлогону да журокту жылытып.

suyor

2017-08-18 18:16:37

Эмне эле бири коюп бири юбилей откорот десе , корсо отдущи акча тушот экенда))) мен ырчылар ушунча чыгаша кылып откоруп не кылат экен деп эле журупмун.

+18

dosym

2017-08-18 18:17:32

Кызы эми атасы, криминалдуу үй бүлөго

+14

argen_kg.95

2017-08-18 18:19:13

Фасольду эми унутушту эле элдер

+19

romantik

2017-08-18 18:32:57

Азыркы заманда ырчы,бийчи,молдо,жеп жутар,бийликтегилерге ишенип болбойт!Кайран элим

Rifle_I

2017-08-18 23:06:41

Жалпылап айтуу өзү ишенимсиздикти жаратат.

medya123

2017-08-18 19:40:50

Текенин жанынан места брондоп койгон турбайбы

+10

Ma9

2017-08-18 20:50:18

Негизи байке бекерден аялдын санын кобойтпосо керек да жакшы суйлоп алдап

Tyty1990

2017-08-18 21:13:29

Эч зерикпейт экенбиз да. Жаңылык артынан жаңылык.

+12

Akabai

2017-08-18 21:27:53

Мошенник окшойт

+10

boris8907

2017-08-18 22:18:25

Мошенник экенда

tynkatar03

2017-08-18 22:47:32

Картошкадан коро фасоль жакшы окшойт))

Gulnur1980

2017-08-18 23:33:31

Азыркы заманда не только посторонний адам,а бир козун экинчи козуно душман!!!

laboom

2017-08-19 01:21:55

Malikadan atasi kem beken...?

-1

sara90

2017-08-19 12:33:41

Malikanun ne tiewesi bar bul jerde? Al jonundo soz da jokko?!Al jaw kyzdy aralawatyrvaile koisonor atasy degen ele aty bolboso ekoonun jawoosu eki bawka go..Jaw kyz azyr ozy stressten chyga albai jurgondo...

Комментарий калтыруу үчүн өз ысымыңыз менен кириңиз же каттоодон өтүңүз.