ЭЛДИК КАБАР: "Кылым карыткан мектеп: Өзгөндөгү Көлдүк айылында окуучулар 90 жыл мурун курулган мектепте окушат" дейт окурман

Ош облусунун Өзгөн районуна караштуу Көлдүк айылындагы Р.Конкошев атындагы №12-орто мектебинин окуучулары 90 жыл мурун курулган имаратта окушат. Бул тууралуу маалыматты бүгүн, 24-январда окурман "Элдик кабарга" WhatsApp аркылуу кабарлады.

Билдирүүгө ылайык, 2016-жылы мектепти Өзгөчө кырдаалдар министрлигинин жергиликтүү адистери текшерип, 3-категориядагы кооптуу абалда деп тыянак чыгарып, пайдаланууга тыюу салган.

"Ага карабастан азыркы учурда 500дөн ашуун окуучулар окуп жатышат. Ар бир класстардын дубалдарынан жаракалар кетип, полдору түшкөн. Балдар сууктан үшүп ооруганы көнүмүш адатка айланды. Ал эми эң коркунучтуусу - дубалдар урап жатат. Тез арада комиссия түзүп, көзөмөлгө албаса балдар окуп жатканда урап калса ким жооп берет? Ар бир ата-эне баласын окууга тобокелчилик менен жөнөтөт", - деген окурман.

Эске салсак, аталган мектептин абалы тууралуу өткөн жылы да окурман билдирүү жолдогон. Анын негизинде Өзгөн райондук билим берүү бөлүмүнүн башчысы мектептин курулушу 2017-жылы куруу планына кире тургандыгын айткан.

"Бирок 2017-жыл өтүп кетти, андан бери тиешелүү бир да органдардын өкүлү келип кабар алган жок", - деген окурман.

Аталган мектепте учурда 540 окуучу билим алат. Ал эми окуучуларга 35 мугалим таалим-тарбия берет. Билимкана 1928-1929-жылдары курулган.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

20:01 24-01-2018

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

21:49 2024-05-06 | Спорт

Амантур Жумаев Азия чемпиондугунда 2-орунга ээ болду 335 0

21:08 2024-05-06 | Коом жана турмуш

Ошто сел суулары турак үйдү каптады 899 0

20:30 2024-05-06 | Коом жана турмуш

Бишкекте Төмөнкү Ала-Арчада мектепке кошумча имарат ачылды 262 0

19:54 2024-05-06 | Коом жана турмуш

Бишкектин бир бөлүгүндө таза суу өчүрүлөт 358 0

19:39 2024-05-06 | Саясат

"Тазалыктын" мурдагы жетекчиси Рамиз Алиев жаңы кызматка дайындалды 1591 0

19:17 2024-05-06 | Кылмыштар, кырсыктар

"Англияга жумушка жөнөтөм". Баткенде алдамчылыкка шектелген жаран чек арадан кармалды 1078 0

Архив

Комментарийлер (19)

MaksCharbak85

2018-01-24 20:32:15

Мектеп жакшы каралбайт экенда, биздин мектеп 60-жылы курулган, жакшы эле турат, жылда ремонтун кылып караш керек мектепти

-9

ere

2018-01-25 10:34:02

MaksCharbak85,
окушту билесинби 1928-29-жылдары курулган дер туратко

Mirkgz-1990

2018-01-24 20:43:45

Качан басып калганда анан иии дешип какылыкташат

asil-08

2018-01-24 20:57:58

Сенин мектебин бул мектептен 30 жылга жаш экен. Мындайча айтканда Чынгыз Айтматов менен тең мектеп экен.

Batma08

2018-01-24 21:40:40

500дон ашык окуучу ушул мектепте окуса анда бийликтегилерге эмне дештида билбей турам

Azatbek83

2018-01-24 21:44:19

Мультимилиенер баатыр куруп берсе болмок экен!Сокеда айылдан баштайм алтыдан уй алып сутун саткыла дептир жардам берип койсун эми!

Kuba-savai87

2018-01-24 22:35:29

Жакшы идея которуп чыгыпсын смартфонду утуп кет

salimbek87.kg

2018-01-24 23:07:25

Кайдагы көчмөндөр оюунуна деп 300миллион коротпой ушуга окшогон мектеп же бир бала бакчала же бир муктаждыгы бар иштерди жасабайбы өкүмөтүбүз .Менимче бул көчмөндөр оюуну бул да бизнес окшойт менимче.

МАЛЫШ

2018-01-25 00:31:54

Окмот эч нерсе кылып бербейт! 10-20 жылдык откоргондор ондоп бербесе эле

nargiz94

2018-01-25 00:43:45

Елка тургузганга, кочмондор оюнуна иши кп ысырапчылыкка акча табылат, мындай нерселерге каражат жетпей калат экен да. Ушундай акыбалга келгенге жеткирбей эле, ошол айылдын окмоту да чуркаса болмок экен.

ere

2018-01-25 10:35:55

Спорт зал, Маданият уйу, Бала бакчасы жок чын эле унутта калган айыл...

NeRiNa

2018-01-25 14:29:23

Мектепти убактылуу жаап чара коруш керек. Айыл тургундары арыз жазып айыл окмотто иштегендерди кулагын жеп, укпаса турткулоп болсо да кыймылдатыш керек. Абалы ото эле начар экен.

Azkoni

2018-01-25 17:07:14

Мындай корунуш айыл жерлеринде болот кобунэсе.благостройный домдо же особнякта жашаган бийликтегилерге бир эле айткан жетпейт.кечээ эле ошол Колдуктогу бир мектепте чогулуш болот деп ата энелер чогулдук,атайын кишилер келет деп 2 саат кутуп отурдук го эшикте буттар какайып тонуп.

mc-0101

2018-01-25 18:39:11

Чынында заманбап Мектеп, спорт аянтча керек ушул жылы курулуп калса жакшы болмок ,келекчек муундарга кайдыгер карабай .

jasi

2018-01-26 22:35:22

Биздин атка минерлер качан гана адам омуруно зыян келгенде чуркашат буту куйгон тооктой

mc-0101

2018-01-29 12:31:16

Бул мектептен белгилуу Салижан Жигитов , Кыяз Молдокасымов ж..б коптогонт инсандар чыккан.

Комментарий калтыруу үчүн өз ысымыңыз менен кириңиз же каттоодон өтүңүз.