Кочкор районуна Кичи Памирден 2 үй-бүлө көчүп келди. Бул тууралуу өкмөттүн Нарын облусундагы ыйгарым укуктуу өкүлчүлүгүнүн басма сөз кызматы билдирди.
Маалыматка ылайык, Кочкор районуна жаңы келген 9 адамды райондун акими Нурлан Керимкулов, социалдык жактан жардам берүү бөлүмүнүн башчысы Баатырбек Абдымамытов жана жергиликтүү тургундар тосуп алышты.
Аларга атайын даярдалган чакан оюн-зоок программасы тартууланып, Кара-Тоо айылындагы №5-кесиптик лицейинин жатаканасына жайгаштырылды.