Президент Сооронбай Жээнбеков журналист Кабай Карабековго салынган айыптан баш тартты

Президент Сооронбай Жээнбеков журналист Кабай Карабековго салынган айыптан баш тартты. Бул маалыматты 17-апрелде SUPER.KG порталына президенттик аппараттын маалыматтык-саясат бөлүмүнүн жетекчиси Толгонай Стамалиева тастыктады.

Кабай Карабековдун айтымында, президент Свердлов райондук сотунун сот аткаруучулар кызматына кайрылып, журналисттен талап кылган 5 миллион сомдук айып пулдан баш тартканын билдирген. "Президент Сооронбай Жээнбеков көрсөткөн үлгү колдоого жана сыйга татыктуу", - дейт журналист.

Эске салсак, 11-сентябрда аталган агенттикке Кабай Карабековдун экс-президент Алмазбек Атамбаевдин Сочиге барганы боюнча "Сочиге сапар. Кремлге мураскердин артыкчылыгын кайра түшүндүрүп жатышат" деген макаласы жарыяланган. Анда Москва тарапты "ага-ини Жээнбековдордун радикалдуу араб уюмдары менен тыгыз байланышы бар болушу мүмкүн" деген Кыргыз жана Орус атайын кызматтары берген маалымат тынчын алып жатканы тууралуу жазылган. Мындан улам ошол кездеги президенттикке талапкер Жээнбековдун шайлоо штабы сотко кайрылган.

Ишти Бишкектеги Свердлов райондук соту карап, 5-октябрда Кабай Карабековдон жана 24.кг агенттигинен 5 миллион сомдон айып пул салуу чечимин чыгарган. Бул чечимди Бишкек шаардык сот күчүндө калтырган.

Ушул жылдын 5-февралында Сооронбай Жээнбеков 24.кг маалымат агенттигине коюлган 5 миллион сом доосунан баш тарткан. Ал эми журналист Кабай Карабековго карата айып пул боюнча арызды Жээнбеков чакыртып алган эмес болчу.

Кечээ, 16-апрелде журналист Кабай Карабеков президент Сооронбай Жээнбековдон кечирим сураган.

2017-жылы Башкы прокуратура экс-депутат Чолпон Жакупованын сөз эркиндиги боюнча жыйында сүйлөгөн сөзү үчүн жана "Заноза" сайтында жазылган материал боюнча ошол кездеги президент Алмазбек Атамбаевдин кадыр-баркына шек келтирди деп сотко кайрылган.

Былтыркы жылдын 30-июнунда Бишкек шаарынын Октябрь райондук соту биринчи иши боюнча башкы прокурордун арызын толук канааттандырып, "Заноза" сайтын, анын башкы редактору Дина Маслова, сайттын түзүүчүлөрүнүн бири Нарын Айып жана экс-депутат Чолпон Жакупованы жалпысынан 12 миллион сом доого жыккан.

Ушул эле күнү дагы бир доо арыз каралып, анда соттун чечими менен “Заноза” сайты жана журналист Нарын Айып өз-өзүнчө 3 миллион сомдон төлөөгө милдеттендирилген.

3-июль күнү кезектеги доо арыз боюнча соттук отурум болуп өтүп, анда да Башкы прокуратуранын доо арызы канааттандырылып, сайт 6 миллион сомго, Нарын Айып 3 миллион сомго доого жыгылган.

4-июль күнү "Ата Мекен" партиясынын адвокаттарына байланыштуу доо арыз боюнча "Заноза" 3 миллион сом төлөөгө милдеттендирилген. Ошентип экс-президентке компенсациянын көлөмү баш-аягы 30 миллион сомго жеткен.

Автор: Жылдыз Джускембаева

07:38 18-04-2018

Жазылуу

РУБРИКАДАГЫ СОҢКУ КАБАРЛАР

20:44 2025-06-29 | Түркүн дүйнө

Белградда миңдеген адам митингге чыгып, мөөнөтүнөн мурда шайлоо өткөрүүнү талап кылышууда (видео) 472 0

18:09 2025-06-29 | Түркүн дүйнө

Тарыхта биринчи жолу. Тesla электромобили фабрикадан кардардын үйүнө өз алдынча жетти (видео) 1096 0

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 824 0

16:49 2025-06-29 | Коом жана турмуш

Орусияда Кыргызстандын 44 миң жараны «Яндексте» эмгектенет 853 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 531 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 499 0

Архив

Комментарийлер (11)

din_tomas

2018-04-17 19:14:11

Алкыш гана айтыш керек, жаңы ажобузга ишеним күндөн-күнгө өсүүдө деп ойлойм, туура, мурда терс сын-пикирлерди жазчумун Сооронбай Шариповичтин дарегине, эми ал ойлорумдан кайтуудамын, баарын убакыт көргөзөт...дагы күтө туралы, балким мамлекетибиздин абалы кардинально өзгөрүп кетүүсү толук мүмкүн

+34

Nurtilek82

2018-04-17 19:21:30

эркек екен башка соз жок

+24

alikgz

2018-04-17 19:44:05

Падышабыз аман болсун,

+21

Tolkun555

2018-04-17 19:47:00

Мен да башында каршы болгонмун.азыр эми жакшы умуттор жанданып прездентибизге ишеним артып баратат.

+21

lady_91

2018-04-17 20:37:12

Мен да каршы болгом бирок каршы болгондордун 90%ти АШАнын айынан болгон болуш как,азыр ишеним артып баратат , эми элдин ишеничин актап сыйын , кадырын сактап калган ажо болсо экен

+14

ilgiz-kg01

2018-04-17 21:07:43

Президент Оштон Бишкеке эмне менен учуп келди же учакты Ошко чакыртыбы ким билет

-13

salimbek87.kg

2018-04-17 22:33:50

ilgiz-kg01,степ менен барыптыр
Бишкекке.

+17

NURSAPAR

2018-04-18 08:04:21

Азамат үлгү болорлук кадам... Чыныгы айкөлдүк. МЕН да шайлоодо каршы болгом ,эми 97%колдойм.Алга Ажо!!!!!!

Almaz_10

2018-04-18 08:38:25

Ажобузга ыйман берсин. Бизге темирдей тартип жана тынчтык керек.

tursunbaev78

2018-04-18 10:00:32

Туура айтасыңар мен да каршы болгомун,эми ишенич артып атат,жаңы реформаларды кылыш керек,ошондо элдин ишеними дагы артат

anonymous

2018-04-18 11:20:09

Ашага окшоп кекчил эмес экен

Комментарий калтыруу үчүн өз ысымыңыз менен кириңиз же каттоодон өтүңүз.