Юстиция министри кызматына Марат Жаманкуловдун талапкерлиги каралат (өмүр баяны)

Эртең, 18-сентябрда Жогорку Кеңештин тийиштүү комитетинде юстиция министри кызматына Марат Жаманкуловдун талапкерлиги каралат. Бул тууралуу SUPER.KG порталына өкмөттүн басма сөз кызматы билдирди.

Маалыматка ылайык, анын талапкерлиги премьер-министр Мухаммедкалый Абылгазиев тарабынан сунушталды. Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти боюнча комитетинин жыйынында баяндаманы биринчи вице-премьер-министр Кубатбек Боронов жасайт.

Юстиция министри Айнур Абдылдаева 7-августта кызматынан бошотулган.

Марат Жаманкулов 1979-жылы 4-июлда Ысык-Көл облусунун Каракол шаарында төрөлгөн. Ал 2001-жылы "Юриспруденция" адистиги боюнча Кыргыз-Орус славян университетин бүтүргөн. 2014-жылы "Мамлекеттик жана муниципалдык мекемелерде адам ресурстарын башкаруу" адистиги боюнча президентке караштуу мамлекеттик башкаруу академиясын бүтүргөн.

2001-2002-жылдары Юстиция министрлигинин мыйзамдарды даярдоо жана укуктук-ченемдик актылар долбоорлорунун экспертизасы боюнча башкармалыктын эмгек келишими боюнча адиси;

2002-2005-жылдары Юстиция министрлигинин жазык-аткаруу системасын реформалоо жана өнүктүрүү боюнча бөлүмдүн орун басары, бөлүм башчысы;

2005-2009-жылдары Юстиция министрлигинин жазык-аткаруу системасын реформалоо боюнча башкармалыктын башчысы;

2009-2010-жылдары Жаза аткаруунун мамлекеттик кызматынын укуктук камсыздоо жана эл аралык кызматташтыктын башкы башкармалыгынын башчысы;

2010-жылы Өнүктүрүү, инвестициялар жана инновациялар боюнча борбордук агенттигинин эксперттик кызматынын эксперти;

2010-2012-жылдары президенттик аппараттын укуктук камсыздоо бөлүмүнүн эксперти;

2012-2014-жылдары өкмөттүк аппараттын укуктук камсыздоо бөлүмүнүн эксперти;

2014-2015-жылдары өкмөттүк аппараттын укуктук камсыздоо бөлүмүнүн башчысы;

2015-2016-жылдары өкмөттүк аппараттын экспертиза жана укуктук камсыздоо бөлүмүнүн башчысы;

2016-2017-жылдары Жогорку Соттун Конституциялык палатасынын төрагасынын кеңешчиси;

2017-жылдан тарта Конституциялык палатанын аппарат жетекчиси болуп иштеп келет.

Автор: Жылдыз Джускембаева

08:40 17-09-2018

Жазылуу

РУБРИКАДАГЫ СОҢКУ КАБАРЛАР

17:40 2025-05-15 | Коом жана турмуш

Барскоон – Ак-Шыйрак жолуна асфальт төшөлүүдө 5 0

17:38 2025-05-15 | Коом жана турмуш

Аптаптуу ысыкта иш убактысына атайын чектөө каралганбы? 20 0

17:22 2025-05-15 | Коом жана турмуш

Бишкекте 62 жаштагы Кенжебү Кулматова изделип жатат 78 0

17:12 2025-05-15 | Коом жана турмуш

Ташиевдер салган төрөт үйүндө төрөлгөн наристелерге УКМК башчысынын аты-жөнүнөн ысым ыйгарылды 272 0

16:58 2025-05-15 | Саясат

Мамлекеттик катчы Сүйүнбек Касмамбетов кызматтан кетерин билдирди 297 0

16:28 2025-05-15 | Түркүн дүйнө

Владимир Зеленский Анкарага барды 774 0

Архив

Талкуу жабык.