Бишкекте тергөө абагында отурган Орусиянын жараны Абдымалик Мырзаевди колдоо боюнча пикет өтүп жатат

Бүгүн, 17-апрелде Бишкекте Орусиянын Кыргызстандагы элчилигинин алдында “Элдик фронт” коомдук уюмунун лидери, Орусиянын жараны Абдымалик Мырзаевди колдоо боюнча пикет болуп өттү. Нааразылык акциясында анын туугандары жана досторунан турган 10 адам катышты.

А.Мырзаевдин тууганы Расул Мырзаевдин айтымында, 2014-жылдын февраль айынан тарта Абдымалик Мырзаев СИЗОдо отурат. "Ал мыйзамсыз кармалган деп ойлойбуз. Ал “мамлекеттик төңкөрүштү уюштуруу”, “мыйзамсыз куралдуу топ түзүү”, “ок атуучу куралды сатып алууга аракет кылуу” деп күнөөлөнүп жатат. Мындан тышкары ага Орусиянын пайдасына "тыңчылык" беренеси боюнча да кылмыш ишин козгоого аракет кылышууда. Камакта ал ур-токмокко алынып жатат деген пикирдебиз. Бирок А.Мырзаев менен жолугушууга жол бербей жатышат, ошондуктан далилдеп бере албайбыз. Ал эми анын адвокатына ушул боюнча маалыматты жарыялоого тыюу салып коюшкан. Бүгүн биз Орусиянын элчилигинин консулу А.Мырзаев менен жолугушуусун суранып чыгабыз. Анткени, мыйзамга ылайык, консулдардын камакта отурган жарандар менен жолугушууга толук укугу бар. Биздин оюбузча, А.Мырзаевди кармоо - саясий буйрутма. Себеби ал убактылуу бийликти сындап келген”,- деди Расул Мырзаев.

Эскерте кетсек, Орусиянын жараны Абдымалик Мырзаев КРнын Улуттук банкынын төрагасынын мурунку орун басары кызматында иштеп келген. Үстүбүздөгү жылдын 8-апрелинде да анын туугандары пикетке чыгышкан.

11:12 17-04-2014

Автор: Нургазы Аматов
Фото: Нургазы Аматов

Жазылуу

РУБРИКАДАГЫ СОҢКУ КАБАРЛАР

11:52 2024-04-24 | Кылмыштар, кырсыктар

Чолпон-Атада 2 индиялык жаран көлгө чөгүп кетти 63 0

11:47 2024-04-24 | Кылмыштар, кырсыктар

Жалал-Абадда 73 турак үйдү сел каптады (сүрөт) 84 0

11:32 2024-04-24 | Маданият, шоу-бизнес

"Элден бата алып, той берем" Куудул, актриса Назира Жетигенова 50 жашка чыкты 141 0

11:29 2024-04-24 | Кылмыштар, кырсыктар

Чүйдүн тоолуу аймактарында сел жүрдү 170 0

11:20 2024-04-24 | Коом жана турмуш

Бишкекте коомдук транспорттордо жол кире акысы жогорулабайт 129 0

11:12 2024-04-24 | Коом жана турмуш

Бишкектин Ак-Босого конушунда бала бакчанын курулушу уланууда 133 0

Архив

Комментарийлер (9)

emilkyrshab

2014-04-17 11:32:43

Мунусу чындыгында ото эле аша чаап кетиптир, мамлекетти суйбогонубуз, сыйлабаганыбыз....

Altyn1980

2014-04-17 11:33:22

Булардагы Крымга окшотуп жатат анан россия келет солдатары менен биз мекендештерибизди коргойбуз деп анан эмне болот? Анан референдум откорот ошонтип кайра россияга кошулуп калабыз

Turtkuch

2014-04-17 11:39:44

Оруссиянын жараны болсо Кыргызстанда балээ барбы бул адамга, келсе коноктой болуп жон келип жон кетпейби, мен президент болсом башка олко жарандыгына откон мурунку кыргыз жарандарына олкого кирип чыгуу тартиптерин катуулатат болчум, эгер шпиондугу аныкталса дароо атууга буйрук бермекмин, ал эми момундай сепаратисттик маанайдагы тууган-туушкандарын камап салмакмын... Кыргызстанда демократия эмей эле анархия орун алды, эртен американецтер, кытайлар, талибдер митинг откорот Бишкекте бул кетиште!

Manasasman

2014-04-17 11:57:26

Turtkuch, мындан ачык соз жок, туп туура жазыпсын. Саткындар, камап салыш керек. Паспортун алып алып дагы чыккынчылык кылып жургонун.

donchik81

2014-04-17 14:40:02

Manasasman, Кечиресин мен дагын Оруссиянын жараны б.э.Мага окшогон Оруссиянын жарандыгын алган кыргыздар 100 ден ашуу.Биз РФ жарандыгын айла жоктон КРда жумуш жоктугунан алдык.Андан сон РФда бут тапкан акчаларыбызды КРна жонотобуз уй салабыз, туугандарыбызга жардам беребиз.

Turtkuch

2014-04-17 15:07:27

donchik81, ал туура, бирок копчулугу биз эми Россиянын канатындабыз дегендей тур корсотуудо Кыргызстанга барып да,мыйзам боюнча силер эми мурункудай КР жараны эмессинер Кыргызстанда оюнарга келгенин кылгыдай.Ошондуктан башка олко жарандыгына откон мурунку кыргыз жарандарына олкого кирип чыгуу тартиптерин катуулатуу туура болот,Кыргызстанга мурункудай кирип чыгасынар бирок мыйзам-эрежелерге баш ийип, тизгинди тартып дегендей. Болбосо любой чет элдик атуул КРде оюна келгенин кыла берсе болчу беле

inoplanetyanin

2014-04-17 12:35:54

Саткын сатат баарибир!

Nemo_0587

2014-04-17 15:07:29

Жондон жон эле кармабаса керек. Бир кылгылыкты кылган да. Кылган куноосуно жараша жазасын алсын да.

raimzhanov81

2014-04-17 19:10:23

кыргызстан дебей эле пикетстан деп коюш керек болуп калды.

Комментарий калтыруу үчүн өз ысымыңыз менен кириңиз же каттоодон өтүңүз.