Кыргызстандык окуучу кыз тарткан эмблема Мекендештердин бүткүл дүйнөлүк оюндарынын символу болду

Кыргызстандык окуучу Ксения Шалыгина тарткан эмблема Мекендештердин бүткүл дүйнөлүк оюндарынын символу болду. Бул тууралуу Кыргызстандагы Орусия кызматташтыгынан билдиришти.

Маалым болгондой, үстүбүздөгү жылдын февраль айында балдардын жана өспүрүмдөрдүн көркөм эмгектери боюнча эл аралык сынактын жыйынтыгы чыгарылган. Ал сынак 11-17-апрель күндөрү Сочиде өткөрүлчү Биринчи дүйнөлүк өспүрүмдөр арасындагы оюндардын ачылыш аземине арналды. Сынактын талабы боюнча, катышуучуларга өтө турган оюндун эмблемасынын эскизин тартуу тапшырмасы берилген.

Бул сынактын жеңүүчүсү болуп Бишкектеги №6-мектеп-гимназиясынын окуучусу Ксения Шалыгина аталды. Жаш сүрөтчүнүн айтымында, түстүү айланага спортчуларды стилге салган элес - ар кайсы мамлекеттерден мелдешке келген жаштардын биримдигинин символу.

Ксения Шалыгина 2008-жылдан бери “Балажан” республикалык методикалык-окуу борборунда живопись студиясында КРнын Сүрөтчүлөр союзунун мүчөсү Наталья Овчинниковадан билим алып келет. Ксениянын таланты жана талыкпас эмгеги республикалык, эл аралык сынактардын дипломдоруна, көрүүчүлөрдүн жакшы баасына татыган.

Автор: Динара Абдыкадырова