Улуттук филармония 80-концерттик сезонун театрлаштырылган концерт менен ачты

Кечээ Т.Сатылганов атындагы Кыргыз улуттук филармониясы 80-концерттик сезонун жалпы чыгармачыл жамаатынын күчү менен даярдалган “Өнөр ыйык, өткөндөрдүн мурасы, филармония - таланттардын уясы!” аттуу гала-концерти менен ачты. Бул тууралуу 1-октябрда Маданият министрлигинин басма сөз кызматы билдирди.

Концертте кыргыз элинин көркөм өнөр маданиятынын калыптануусу, ошондой эле Кыргыз улуттук филармониясынын өнүгүп-өсүү тарыхы кенен чагылдырылып, көрүүчүлөргө жогорку деңгээлде театрлаштырылып тартууланды.
Концертке жалпы көрүүчүлөр менен бирдикте Кыргыз Республикасынын Премьер-министри Темир Сариев баш болгон өкмөттүн аппараты, министрликтер, мамлекеттик ведомстволордун жетекчилери катышышты.

Автор: Айпери Ганыжан кызы
Фото: Маданият министрлиги