Бишкекте Кыргыз Эл акыны Сүйөркул Тургунбаевдин 75 жылдыгына арналган китеп-сүрөт көргөзмөсү жана чыгармачыл жолугушуу өтүүдө

Бүгүн, 27-ноябрда Алыкул Осмонов атындагы Улуттук китепканада Кыргыз Республикасынын Эл акыны, Маданиятка эмгек сиңирген ишмер, кыргыз поэзиясынын классиги, котормочу Сүйөркул Тургунбаевдин туулган күнүнүн 75 жылдыгына арналган китеп-сүрөт көргөзмөсү жана чыгармачыл жолугушуу кечеси өтүүдө. Көргөзмөнүн ачылышына Жогорку Кеңештин депутаттары, мамлекеттик, коомдук ишмерлер, акын-жазуучулар, илимдин жана маданияттын кызматкерлери, студенттер, массалык-маалымат каражаттарынын өкүлдөрү катышууда.

Сүйөркул Тургунбаев 1964-жылы Кыргыз мамлекеттик университетин бүтүргөндөн кийин Алай районунда жана Кызыл-Кыя шаарында мугалим, Кыргыз илимдер академиясында илимий кызматкер, «Кыргызстан маданияты» гезитинде бөлүм башчы, Кыргызстан Жазуучулар союзунда сын консультанты кызматтарын аркалап, «Заман Кыргызстан» гезитинин ээси болгон.

Акындын «Салам, жаш өмүр!», «Кечки троллейбус», «Эки аска», «Касиет», «Жылдыз», «Жарыктын ыры», «Жагалмай канат жапан» жана орус тилинде «Новый день», «Признание в любви» аттуу поэтикалык китептери жарык көргөн.

Тургунбаев көркөм котормо өнөрүндө да эмгектенип, Навои, Аль-Фараби, Абайдын, Машрап, Шевченко, Лермонтовдун чыгармаларын, Е.Евтушенконун «Эне жана нейтрон бомба», Вознесенскийдин «Лонжюмо» поэмаларын, «Араттар ыры» деген монголдордун поэзиясын которгон.

Кыргыз поэзиясынын өнүгүшүнө кошкон эмгеги жогору бааланып, "Кыргыз Республикасынын Маданиятка эмгек сиңирген ишмери", "Кыргыз Республикасынын Эл акыны" наамдарынын, Таттыбүбү Турсунбаева атындагы Эл аралык сыйлыктын лауреаты, «Эл агартуунун отличниги» жана башка сыйлыктардын ээси.

Автор: Наргиза Бекжанова
Фото: Наргиза Бекжанова

11:54 27-11-2015

Жазылуу

РУБРИКАДАГЫ СОҢКУ КАБАРЛАР

15:56 2025-05-10 | Кылмыштар, кырсыктар

Блогер Айтилек Орозбеков үй камагына чыгарылды 216 0

15:20 2025-05-10 | Маданият, шоу-бизнес

Бишкекке келген ырчы Амирчик жаанга карабай борбордук аянтта күйөрмандарын сүйүндүрдү (видео) 550 0

15:05 2025-05-10 | Коом жана турмуш

Ошто жеке тараптан мамлекетке кайтарылган имартка мектеп курулат (видео) 291 0

14:24 2025-05-10 | Спорт

Ирандагы мелдеште кыргыз балбаны Бекзат Алмаз уулу алтын тагынды (видео) 418 0

13:40 2025-05-10 | Коом жана турмуш

Бишкекте жер алдынан өтүүчү өтмөктүн курулушу башталды. Кайсы көчө жабылды? (видео) 724 0

13:00 2025-05-10 | Коом жана турмуш

Жалал-Абад шаарына курулуучу аэропорттун долбоору жарыяланды 987 0

Архив

Комментарийлер (3)

Polat

2015-11-27 16:50:45

Аталган жыйынга биз катыштык. Кадимки "Ата Мекен" фракциясынын депутаттары толугу менен катышып, лидери Өмүрбек Текебаев "Чыгармачылыктын тургунбаевдик кудурет-күчү" жөнүндө кеп айтса, депутат, социалдык саясат комитетет төрагасы, ЖК Төрагасы Жээнбековдун куттуктоосун окуп,ЖКнын Ардак грамотасын тапшырды. Өкмөт башынан Секимов деген маданият министри-орун басары куттуктап, акынга матриалдык жардам берди. 5-декабрда акындын туулган жеринде өтүүчү маарекеде Президентибиз куттуктаса болду.

Polat

2015-11-27 16:56:15

Сүйөркул Тургунбаевдей акын Кыргыз поэзиясында бир жаралган алп. Ал Президенттин куттуктоосуна, 3 даражадагы "Манас" орденине татыктуу адам. Уюштуруу комитетине, төрагасы Текебаевге, Кыргыз өкмөтүнө, Улуттук жазуучулар союзуна,маданият министрлигине, улуттук китепкананын жетекчилигине ЭЛТРга, маалымат каражаттарына туугандары ыраазылык билдирип жатышты. Эми акындын жыйнагын чыгарып койсо эң сонун болмок. Уюштургандарга ырахмат,азаматтар экен.

zhykyo

2015-11-27 17:44:15

Мен да катышкым келип барып коруп келдим жакшы эле кошуптур салымын Кыргыз элиме

Комментарий калтыруу үчүн өз ысымыңыз менен кириңиз же каттоодон өтүңүз.