Каржы министрлиги: 2 айда ссуда жана насыялар боюнча 339 миллион сом карыз кайтарылды

2017-жылдын январь-февраль айларында чарбалык субъекттерден бюджеттик ссуда жана чет өлкөлүк насыялар боюнча 339 миллион сом суммасындагы карыз кайтарылды. Каржы министрлигинин билдиришинче, мунун ичинен: негизги карыз – 283 миллион 98 миӊ сом, пайыздар жана айып пулдар – 55 миллион сом.

Маалыматка ылайык, бюджеттик ссудалар жана чет өлкөлүк насыялар боюнча чарбалык субъекттердин карыздарын кайтаруудан түшүүлөрдүн 2017-жылга болжолу 3 миллиард 706 миллион сомду түзөт, мунун ичинен: негизги карыз – 2 миллиард 674 миллион 76 миӊ сом, пайыздар жана айып пулдар – 1 миллиард 31 миллион 24 миӊ сом.

Автор: Автандил Добулбеков