Нооруз күнү өлкөдө коопсуздукту камсыз кылууга 6 миң милиционер тартылат, 2 миңи Бишкекте

Эртең, 21-Март - Нооруз майрамына карата республика боюнча коопсуздукту камсыз кылууга 6 миң милиция кызматкери тартылат. Бул тууралуу бүгүн, 20-мартта Ички иштер министрлигинин басма сөз кызматы билдирди.

Маалыматка ылайык, Бишкек шаарында 2 миңден ашуун милиция кызматкери коомдук тартипти көзөмөлдөйт. Мындан тышкары борбор калаанын айрым көчөлөрүндө унаа кыймылы чектелет:

"Ала-Тоо" аянтынын аймагы;
Киев көчөсү;
Чүй кең көчөсү жана М.Фрунзе көчөсү (Тыныстанов көчөсүнөн Тоголок Молдо көчөсүнө чейин);
Термечиков көчөсү (Гагарин көчөсүнөн Толстой көчөсүнө чейин);
Лев Толстой көчөсү (Бах көчөсүнөн Тимур Фрунзекөчөсүнө чейин);
Гагарин көчөсү (Бах көчөсүнөн Тимур Фрунзе көчөсүнө чейин).

Ошондой эле майрам күнү эл көп топтолгон жерлер курчоого алынат, ар бир жаран көзөмөл-өткөрүү пункттарынан өтөт. Ички иштер министрлиги жарандардан киргизилип жаткан чектөөлөрдү туура түшүнүү менен кабыл алууну өтүнөт.

Автор: Жылдыз Джускембаева