Депутаттар пенсия жашына жетпей каза болгон жарандын пенсиясы жакындарына берилиши керектигин айтышты

Бүгүн, 31-мартта Жогорку Кеңеште КСДП фракциясынын жыйынында депутат Мурадыл Мамединов пенсия берүүдө “мураскерлик” системи керек экенин айтты.

Депутат жарандын пенсия жашына жетпей каза болуп калса, анын пенсиялары үй-бүлөсүнүн мүчөлөрүнө берилишине кызыкты. Соцфонддун төрагасы Теңизбек Абжапаров камсыздандыруу фондунда топтолгон акча балдарына гана берилерин айтты.

Мурадыл Мамединов балдарына гана берилип, каза болуп калган жарандын жубайына берилбегендиги туура эместигин белгиледи.

“Эмне үчүн адам өмүр бою иштеп, анан пенсия жашына жетпей көзү өтүп кетсе, анын пенсиясы жубайына берилбейт? Мураскерлик болушу керек да. Мисалы, жубайы 5-6 баланы жарык дүйнөгө келтирип, татыктуу тарбия берип чоңойтсо, анан көзү өтүп кеткен күйөөсүнүн пенсиясын алууга укугу болбогону таптакыр туура болбой калат. Бул жерде аялынын укуктары бузулуп жатпайбы. Эне деген ыйык атын жокко чыгарып атасыңар. Ошондуктан “мураскерлик” пенсиялык системи киргизилиши зарыл. Силер бул боюнча тиешелүү мыйзам долбоорун даярдап алып келгиле, биз таанышып, алымча-кошумчалар менен кабыл алып берели”, - деди депутат.

Депутаттын пикирин фракция лидери Иса Өмүркулов да колдой турганын билдирип, эгерде пенсия жашына жетпей жаран каза болуп калса, анын пенсиясы аялына берилиши керектигин белгиледи. Анткени жубайы эң башкы мураскерлердин бири болуп эсептелет.

Автор: Жылдыз Джускембаева
Фото: ЖК басма сөз кызматы

16:57 31-03-2017

Жазылуу

РУБРИКАДАГЫ СОҢКУ КАБАРЛАР

16:05 2025-07-05 | Коом жана турмуш

Көтөрүп алып чуркап... Бишкекте потрулдук милиция эсин жоготкон кызга жардам берди (видео) 747 0

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 911 0

14:42 2025-07-05 | Түркүн дүйнө

Түркияда коррупциялык иштерге байланыштуу дагы үч мэр кармалды 468 0

14:17 2025-07-05 | Саясат

Садыр Жапаров: "Орус тилисиз биз Кыргызстандан алыс чыга албайбыз" 924 0

13:47 2025-07-05 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 3673 0

13:01 2025-07-05 | Коом жана турмуш

Жеңишбек Токторбаев Ош шаарында дагы бир сейил бакты ачты 1006 0

Архив

Комментарийлер (5)

Mers124

2017-03-31 17:25:51

Ой баласына деле бербейт го.

Tansuluu09

2017-03-31 17:26:47

пенсияга жетпей отуп кетсе Кудайым бейишин берсин
Ал эми ага канча убакытка чейин пенсия бермек эленер андан коро ошол акчаны майыптарга жетимдерге каарылар уйуну берсе жакшы болмок
Бул менин оюм
Кандай ойлойсунар же толош керекпи

Tansuluu09

2017-03-31 17:30:53

Чын эле жогорудагы mers124 айтмакчы баласына пособие ала албай жургондор баатыр энелер Ден соолугу чектелгендер ала албай журсо
Отуп кеткен адамга пенсия толобой эле койгон онго

nargiz-sa

2017-03-31 18:13:21

Бирок отуп кеткендердин арасында омур бою мамлекетке эмгек акынын эсебинен салык толоп соц. фондго акча которуп жургондор да бар да

Nendi15

2017-04-01 00:22:29

Башка жагыңарды эптеп алгылачы тим эле акчаңар ашып эмне кыларыңарды билбей жаткандай талкуулайсыңарда....пенсия алгандардын пенсиясын көтөргүлө айлыктарды көтөргүлө акчаңар ашып жатса....ал Аллахтанда ким пенсия жашына жетип жашайт ким жетпей калат

Комментарий калтыруу үчүн өз ысымыңыз менен кириңиз же каттоодон өтүңүз.